Ekesode 11:10 - MUKANDA WA MYIDI MUKULU

¹⁰ Moshe ne Arone bakavua bamane kuenza bishima bia bungi, mukalenga wa bena Ejipitu mutangile. Kadi mukalenga ewu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mose ne Alona bakenza malu â onso a kukema ku mesu kua Palô, Yehowa wakakolesha mutshima wa Palô, yeye bakalekela Bena Isalele mu buloba buandi.

Ekesode 11:10 ပူးပေါင်းရင်းမြစ်များ

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Ekesode 10:20

Kadi mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 10:27

Mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 12:1

Pavua Moshe ne Arone mu ditunga dia Ejipitu, Maweja-Nangila kubambila ne:

Ekesode 3:19

Ndi mumanye ne: mukalenga wa bena Ejipitu kakuitaba bua nuye, anu meme mumuenzeje ku bukole.

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Ekesode 7:3

Kadi meme nempeshe mukalenga wa bena Ejipitu muoyi wa tshitunu. Nengenze malu a dikema mavule mu ditunga diende.

Ekesode 9:12

Mukalenga wa bena Ejipitu kubenga diyi dia Moshe ne Arone, bualu Maweja-Nangila uvua mumupeshe muoyi wa tshitunu nuwuaye mudianjile kuambila Moshe.

Yeshaya 63:17

Maweja-Nangila, uvua muanyishe bua tupambuke, tulekele njila webe, tuikale ne tshitunu, tubenge bumfumu buebe bua tshinyi? Pingana kutudi, bualu tudi bena mudimu bebe, bantu baudi mudisunguile.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Rome 9:18

Nanku muntu udi Mvidi Mukulu musue kutuila luse, udi umufuila. Muoyi wa muntu udiye musue kupapisha, udi uupapisha.

Rome 9:22

Bushuwa Mvidi Mukulu uvua musue kuleja tshiji tshiende, ne kumanyisha bantu bukole buende. Kadi uvua muanji kulengulula ne lutuulu luvule bantu bavuaye mufikile munda, bakafua bakumbanyine kubutuka.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.