Ekesode 11:1 - MUKANDA WA MYIDI MUKULU

¹ Maweja-Nangila kuambila Moshe ne: — Ndi ntumina mukalenga wa bena Ejipitu ne bantu bende dinyoka dia ndekelu. Nanku neanulekele, anuipate mene kashidi mu ditunga diende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Mose ne, Nentume mulau umue mukuabo kudi Palo ne ha buloba bua Ejipitu; ne ku nyima yeye neanulekele, hanulekeleye, yeye neanuihate tshiendelele.

Ekesode 11:1 ပူးပေါင်းရင်းမြစ်များ

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Yobe 10:17

Udi unsongakaja ne bantu bapiabapia, badi banjadikila ne malu a dishima, bua umone mua kumvudijila tshiji tshiebe, kunduisha amu kunduisha mishindu yonsu.

Ekesode 12:29

Mundankulu, Maweja-Nangila kushipa bamuanabute bonsu ba mu ditunga dia Ejipitu, biangatshile ku muanabute wa mukalenga wa ditunga, too ne ku muanabute wa muntu tshianana uvua mu nzubu wa lukanu. Kushipaye kabidi ne bamuanabute ba bimuna.

Ekesode 3:20

Nanku neukengeshe bena Ejipitu ne makenga a mishindu yonsu. Pamona mukalenga wabu nanku, neanulekele.

Ekesode 6:1

Maweja-Nangila kuambila Moshe ne: — Neudimuene nkayebe mundi ngenzeja mukalenga wa bena Ejipitu ku bukole bua kulekelaye bena Izrayele baye. Nemmuenzeje kabidi ku bukole bua abipate mu ditunga diende.

Ekesode 9:14

Mpindiewu ndi mujadike bua kukutumina makenga a mishindu yonsu, wewe ne balombodi ba bukalenga kabidi ne bantu bebe bonsu, bua ujadike ne: pa buloba bujima kakuena mukuabu, amu meme!

Lewitiki 26:21

“Panudi anu numbenga kanuyi nungitaba, meme nemvudije kabidi makenga enu misangu muanda mutekete.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.

1 Samuele 6:4

Bena Peleshete kukonka ne: — Kadi mulambu wa didia tshibalu utudi mua kulambula ngua mushindu kaayi? Batuangaji ne bena mbuku kuandamuna ne: — Bilondeshile bungi bua bamfumu ba bena Peleshete, nulambule Maweja-Nangila bintu bitanu bia tshiamu tshia mpawungi, bileja disama dia mulaka, kabidi ne mpuku itanu ya tshiamu tshia mpawungi. Bualu tshipupu tshidi tshinukuata nuenu ne bamfumu benu, tshidi anu tshimue, kabidi tshia mushindu umue.