Ekesode 10:9 - MUKANDA WA MYIDI MUKULU

⁹ Moshe kumuandamuna ne: — Tuyaya bonsu pamue: bansonga betu ne bantu bakulakaje, bana betu ba balume ne ba bakaji ne bimuna bietu bionsu, mikoku, ngombe ne mbuji. Bualu tuyaya kuenza tshibilu bua Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mose wakamba ne, Netuye ne bana bakese ne bantu banunu, ne bana betu ba balume ne bana betu ba bakashi, netuye ne mikoko yetu ne ngombe yetu, bualu bua tudi ne bualu bua kudia bidia ku mesu kua Yehowa.

Ekesode 10:9 ပူးပေါင်းရင်းမြစ်များ

Genese 50:8

bena diku dia Yozefe bonsu, bana babu ne Yozefe, ne bena diku bakuabu ba tatuende. Nanku mu Ngoshene muvua mushale amu bana batekete ne bimuna.

Ekesode 10:10

Mukalenga wa bena Ejipitu kuandamuna ne nsenda ne: — Maweja-Nangila ikale nenu! Tshiena mua kuitaba bua nuye ne bakaji ne bana to, bualu nudi nuleja patoke munudi ne meji makuabu mabi munda muenu.

Ekesode 10:26

Tuetu katuena mua kushiya tshimuna tshietu nansha tshimue. Tuyaya nabi bionsu, bualu tuyaya kutendelela nabi Maweja-Nangila Mvidi Mukulu wetu. Kabidi netumanye bimuna bidiye musue bua tuetu kumulambula amu patuafika kutudi tuya.

Ekesode 12:32

Angatayi bimuna bienu, nuye nabi. Kadi nundombele kudi Mvidi Mukulu wenu, angele lupemba.

Ekesode 12:37

Pashishe bena Izrayele kumuka mu Ramsese bua kuya ku Sukote. Bavua bantu balume binunu nkama isambombu, katuyi babale bakaji, bana ne bantu bakulakaje.

Ekesode 12:38

Bantu bakuabu musumba munene, ba bisamba bishilangane, bavua ne bena Izrayele mu njila amu, kabidi ne bimuna bipite bungi: mikoku, mbuji ne ngombe.

Ekesode 13:6

Matuku malondangane muanda mutekete, nudie anu mampa adi kaayi mela buanga. Dituku dia muanda mutekete, nuenzele Maweja-Nangila tshibilu bua kumutendelela.

Ekesode 3:18

Bena Izrayele nebitabe malu audi ubambila. Pashishe wangate bakulu ba bena Izrayele, uye nabu kudi mukalenga wa bena Ejipitu, umuambile ne: “Maweja-Nangila, Mvidi Mukulu wa bena Ebrewu, Mvidi Mukulu wetu mmutumuenekele. Nanku tudi tukusengelela se: wanyishe bua tuye mu tshipela, tuenze luendu lua matuku asatu bua kumulambula milambu.”

Ekesode 5:1

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”

Ekesode 5:3

Moshe ne Arone kuandamuna mukalenga ne: — Mvidi Mukulu wa bena Ebrewu mmutumuenekele. Tudi tukulomba ne: wanyishe bua tuye mu tshipela, tuende luendu lua matuku asatu bua kulambula Maweja-Nangila Mvidi Mukulu wetu milambu. Bualu patudi katuyi tuenza nanku, udi mua kututumina disama dia tshiambu tshikole, nansha kutushipa ku muele wa mvita.

Nsumuinu 3:9

Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Dibadika 29:12

“Matuku dikumi ne atanu a ngondu wa muanda mutekete, kanuenji mudimu to. Nungenzele tshibilu matuku muanda mutekete, nudisangishe bua kuntendelela meme Maweja-Nangila.

Efeze 6:4

Baledi, kanufikishi bana benu munda. Kadi nubakoleshe, nubakele, nubabele mushindu udi Mfumu musue.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.