Ekesode 10:16 - MUKANDA WA MYIDI MUKULU

¹⁶ Mukalenga wa bena Ejipitu kubikila Moshe ne Arone lukasa wamba ne: — Ndi muenzele Maweja-Nangila Mvidi Mukulu wenu bibi ne nuenu kabidi!

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hashishe Palô wakabikila Mose ne Alona lubilu, wakamba ne, Nakuenzela Yehowa Nzambi wenu bualu bubi ne nuenu kabidi.

Ekesode 10:16 ပူးပေါင်းရင်းမြစ်များ

2 Samuele 19:20

umuambila ne: — Mukalenga, kunsombuedi bua bubi buanyi! Kuvuluki bibi bionsu bimvua mukuenzele, dituku diuvua umuka mu Yerushalayime. Kuntekedi lukuna to.

2 Samuele 24:10

Diakamue Davide kudiunwua ne: ndi muenze bibi pandi mubadike bantu ba bena Izrayele. Kuambilaye Maweja-Nangila ne: — Pandi mubadike bena Izrayele, ndi muenze bibi bitambe. Ndi ntonda ne: ndi muenze bualu ebu amu bu muntu udi kayi ne lungenyi! Maweja-Nangila umfuileku luse bua bubi buanyi.

2 Samuele 24:17

Davide mumane kumona mutumibue uvua ubutula bena Izrayele, kuambilaye Maweja-Nangila ne: — Meme ndi muena tshibawu. Meme ndi muenze bibi. Kadi bantu aba kabena benza bualu bubi to. Nanku mbimpe unyoke meme, ne bena nzubu wanyi.

Ekesode 8:25

Moshe kuandamuna ne: — Pandi ngumuka muaba ewu, nensengelele Maweja-Nangila bua malaba njiji yumuke ku nzubu kuebe, kua balomboodi ba mu bukalenga buebe ne ku nzubu ya bantu bebe bonsu. Kadi, wewe pebe ulekele kutulembakaja. Kutukandiki tshiakabidi bua bena Izrayele kabayi kulambula Maweja-Nangila milambu.

Ekesode 8:8

Moshe ne Arone kushiyangana ne mukalenga wa bena Ejipitu. Moshe kutendelela Maweja-Nangila bua umushe ndimba iwaye mutumine mukalenga wa bena Ejipitu.

Ekesode 9:27

Mukalenga wa bena Ejipitu kubikidisha Moshe ne Arone, kubambila ne: — Maweja-Nangila mmuenze amu bimpe, kena ne bualu to. Meme ne bantu banyi tudi benze bibi.

Nsumuinu 28:13

Udi usokoka bilema biende, kena utuuta dikasa dimpe. Kadi udi ubitonda, ubibenga, Mvidi Mukulu neamufute luse.

Dibadika 21:7

Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.

Dibadika 22:34

Balaame kuandamuna mutumibue ne: — Ndi muenze tshilema. Tshivua mumanye ne: wewe ke uvua muimane mu njila kumpala kuanyi. Kadi bu mudi luendu alu kaluyi lukusankisha, ndi mua kupingana kuanyi.

Matayi 27:4

Kubambilaye ne: — Ndi muenze bibi, mufikishe ku lufu muntu udi kayi ne bualu. Kadi kumuandamunabu ne: — Bualu buetu anyi? Abu mbualu buebe!

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.

1 Samuele 15:30

Shawule kumuambila ne: — Ndi mumane kuenza bibi. Kadi ndi nkutendakena ne: unnemekeku kumpala kua bakulu, ne kua bena Izrayele bakuabu bonsu. Tupingane nebe bua meme kuya kutendelela Maweja-Nangila Mvidi Mukulu webe.

1 Samuele 26:21

Shawule kuandamuna ne: — Ndi muenze bibi! Muananyi Davide, pingana, tshiena nkuenzela bibi kabidi to. Bualu butuku ebu, udi munnemeke, kuena munshipe to. Meme ndi anu bu muntu udi kayi ne lungenyi. Ndi mutupakane bikole.