Ekesode 1:9 - MUKANDA WA MYIDI MUKULU

⁹ Mukalenga kuambila bantu bende ne: — Bena Izrayele aba mbapite bungi, kabidi mbantu ba bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakambila bantu bandi ne, Tangilai, Bena Isalele badi batuhita bungi ne bukole.

Ekesode 1:9 ပူးပေါင်းရင်းမြစ်များ

Genese 26:16

Ke Abimeleke kuipata Izake wamba ne: — Umuke mu ditunga dietu, bualu udi mutupite makanda.

Genese 46:3

Mvidi Mukulu kumuambila ne: — Meme ndi Mvidi Mukulu wa tatuebe Izake. Kutshinyi bua kuya ku Ejipitu to. Nemvudije ndelanganyi yebe mu ditunga dia Ejipitu.

Yobe 5:2

Muntu mutatakane udi wasa Mvidi Mukulu tshilumbu, tshiotshi tshidi tshimushipa. Muntu mutshimbakane udi umvua lubabu munda, ufua nalu.

Ekesode 5:5

Bena Izrayele mbapite bungi. Munudi nubapumbisha mua kuenzabu midimu yabu mbishi?

Nsumuinu 14:28

Lumu lua mukalenga wa ditunga ludi ku bungi bua bantu badiye nabu. Padi mukalenga kayi ne bantu, bumfumu buende kabuenaku to.

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Muambi 4:4

Meme kumona kabidi ne: bantu badi batata, bakuata mudimu bikole, bualu badi bumvua lubabu pa kumona bidi muena mutumba nabi. Biobi abi kabidi bidi amu patupu, bu kuipatangana ne lupepele.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”