Ekesode 1:7 - MUKANDA WA MYIDI MUKULU

⁷ Pashishe ndelanganyi ya bena Izrayele kutanta, kuvulangana kupita bungi mu Ejipitu. Kushalabu bantu ba bukole.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bena Isalele bakakumbana ba bungi, bakavulangana, bakalua bakole be, bakula mu buloba tente.

Ekesode 1:7 ပူးပေါင်းရင်းမြစ်များ

Genese 1:20

Dituku ditanu Mvidi Mukulu kuamba ne: “Mu mayi muikale minyinyi mishilangane, kabidi nyunyi ibuke mulu mu tshibuashibuashi!”

Genese 1:28

Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 17:16

Ndi mmuela lupemba. Neakulelele muana wa balume. Neikale mamuende wa bisamba bia bungi. Bakalenga ba bisamba bishilangane nebapatukile ku ndelanganyi yende.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 26:22

Kumukaye muaba awu. Kumbulaye tshiina tshia mayi tshisatu muaba mukuabu. Kadi kabena batandangana kabidi bua tshiina atshi to. Izake kutshinyika dina ne: “Ditanta” (Rehobote). Kuambaye kabidi ne: “Mpindiewu Maweja-Nangila wanyishi bua tutante, tuwlangane mu ditunga emu.”

Genese 26:4

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 46:3

Mvidi Mukulu kumuambila ne: — Meme ndi Mvidi Mukulu wa tatuebe Izake. Kutshinyi bua kuya ku Ejipitu to. Nemvudije ndelanganyi yebe mu ditunga dia Ejipitu.

Genese 47:27

Bena Izrayele kusomba mu Ejipitu, kuasa mu ditunga dia Ngoshene. Kuvulanganabu bikole, kusumba mpangu.

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

Genese 48:4

Uvua mundaye ne: “Neulele bana ba bungi. Ndelanganyi yebe neivulangane, yenza bisamba bivule. Ditunga edi nedishale dienu kashidi.”

Genese 9:1

Mvidi Mukulu kuela Nowa ne bana bende lupemba wamba ne: “Tantayi, nuvu-langane buloba bujima.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Misambu 105:24

Maweja-Nangila kuvudija bantu bende, kulelabu bana ba bungi, kubapeshaye bukole bupite bua baluishi babu.

Misambu 107:38

Maweja-Nangila udi ubela lupemba, udi ubavudija ba bungi, kena ukepesha bimuna biabu nansha.

Ekesode 1:12

Kadi pa wabu bakengesha bena Izrayele nanku, bavua amu bavulangana mu ditunga dijima. Bena Ejipitu bamona nanku, kutshinabu bena Izrayele bikole.

Ekesode 12:37

Pashishe bena Izrayele kumuka mu Ramsese bua kuya ku Sukote. Bavua bantu balume binunu nkama isambombu, katuyi babale bakaji, bana ne bantu bakulakaje.

Ekesode 5:5

Bena Izrayele mbapite bungi. Munudi nubapumbisha mua kuenzabu midimu yabu mbishi?

Yezekiyele 16:7

Meme kukukolesha, wewe kuenza bu tshilongu tshidi tshitayika, tshilengela. Wewe kutantamana, kushala nsongakaji mulengele, wewe kuasa mabela, miosa yebe kupatuka pambidi. Kadi uvua anu butaka menemene.

Bienzedi 13:17

Mvidi Mukulu wa tshisamba etshi, Mvidi Mukulu wa Izrayele, mmusungule bankambua betu. Uvua muvu-dije tshisamba etshi, pavuatshi kua bende mu ditunga dia Ejipitu. Pashishe kubapatulaye mu Ejipitu ku bukole buende.

Dielulula 10:22

Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.