Ekesode 1:11 - MUKANDA WA MYIDI MUKULU

¹¹ Bena Ejipitu kusungula bamfumu ba mudimu bavua ne bua kuenzeja bena Izrayele mudimu mukole bua kubatekesha. Bena Izrayele kuashila Mukalenga wa bena Ejipitu tshimenga tshia Pitome ne tshia Ramsese bua balaminemu bintu biende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bakabatekela tuhita, bakabakengesha ne mudimu. Bakashala Palô misoko ya kutekelamu bintu biandi, mena ai Pitoma ne Lamesese.

Ekesode 1:11 ပူးပေါင်းရင်းမြစ်များ

Genese 15:13

Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Genese 47:11

Yakobe ne bana bende kusomba mu ditunga dia Ejipitu, muaba muimpe uvua Yozefe mubasunguile bua wikale wabu. Bavua basombe pabuipi ne tshimenga tshia Ramsese, bu muvua mukalenga wa bena Ejipitu muambe.

1 Bakalenga 9:19

Uvua muibakulule ne bimenga bionsu bivuaye muteke biakudia biende, matempu ende a mvita, ne nyama yende ya tubalu. Shelomu kuibaka bintu bionsu bivuaye musue kuibaka nansha mu Yerushalayime, nansha pa mukuna wa Lebanone, nansha mu ditunga dijima divua ku bumfumu buende. Mukalenga Shelomu uvua muenzeje midimu ayi mushindu ewu:

2 Kulondolola 16:4

Benadade kuitaba dilomba dia Asa. Kutumaye balombodi ba bena mvita bende, bua kuluisha bimenga bia bena Izrayele. Bena mvita abu kukuata bimenga ebi: Yone, Dane, Abele-Mayime, ne bimenga bionsu bia mu buloba bua Naftali bivuabu bateke biakudia.

2 Kulondolola 8:4

Kuibakululaye tshimenga tshia Tadmore mu tshipela. Kuibakululaye kabidi ne bimenga bivuaye muase mu buloba bua Amate bua kutekamu mayeba ende.

Misambu 105:13

Bavua baya ku tshisamba ne ku tshisamba tshikuabu, ku bukalenga ne ku bukalenga bukuabu.

Misambu 129:1

Musambu wa bena ngendu… Bavua bankengesha biangatshile ku buana buanyi too ne… — Izrayele ambulule ne:

Misambu 129:2

“Bavua bankengesha biangatshile ku buana buanyi.” — Kadi ki mbantshimune.

Misambu 68:13

“Tuatshimunyi! Bakalenga ba baluishi betu mbanyeme lubilu! Tuetu bakaji bavua bashala ku nzubu, netuabanyangane bidi babayetu bapawula mu mvita.

Misambu 81:6

mukenji uvuaye muelele Yozefe, pavuaye uluisha bena Ejipitu. — Meme kumvua diyi, dindi tshiyi mumanye, dingambila ne:

Ekesode 1:14

Bena Izrayele kusopa buloba kuenza madiotu, kudimina bena Ejipitu madimi. Mu tshikosu, bena Ejipitu kubenzeja midimu ya mishindu yonsu ne tshikisu.

Ekesode 2:11

Moshe mumane kukola, kuyaye bua kumonangana ne bana babu. Kusanganaye bakengesha bana babu ne midimu mipite bukole. Diakamue kumonaye muena Ejipitu utuuta muanabu wa bena Ebrewu.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 5:10

Nanku bena Ejipitu ne bena Izrayele bavua ne bua kulombola mudimu wa bantu, kupatukabu ku nzubu wa bukalenga, kuambilabu bena Izrayele ne: — Ke bidi mukalenga wa bena Ejipitu wamba ebi ne: Tshiena nnupesha kabidi bisosa to.

Ekesode 5:15

Bena Izrayele bavua benzeja bantu mudimu kuyabu kudidila mukalenga wa bena Ejipitu, bamba ne: — Mukalenga, tuetu tudi bena mudimu bebe. Udi unkengesha nunku bua tshinyi?

Ekesode 5:8

Kadi kanukepeshi mudimu wabu. Benze madiotu anu bungi bua tshibidilu, bualu mbena lulengu. Ke padibu bandomba bua kuya kulambula Mvidi Mukulu wabu milambu.

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Dibadika 20:15

Bankambua betu kale bavua baye mu Ejipitu. Tuetu kushalamu matuku a bungi. Kadi bena Ejipitu kutukengesha bikole, ne tuetu ne bankambua betu.

Dielulula 26:6

Kadi bena Ejipitu kutukengesha, kutuenzeja midimu mikole ya bupika.