Efeze 5:29 - MUKANDA WA MYIDI MUKULU

²⁹ Bualu muntu kena mua kukina mubidi wende. Kadi udi uudisha, uulama bimpe. Ke mudi Kristu wenzela Tshisumbu tshia bena ditaba,

Mukanda wa Nzambi Dihungila Dikulukulu ne Dihungila Dihia-dihia 2003

²⁹ bualu bua kakuena kuanza kuikala muntu udi ne mubidi wandi lukuna; kadi udi udisha mubidi wandi, udi ûlama, bu mudi Kilisto ulama ekelesia;

Efeze 5:29 ပူးပေါင်းရင်းမြစ်များ

Genese 2:23

Mulume umona mukaji, kuelaye diyi dikole wamba ne: “Mpindiewu mbapetshi wa ku meme, munyinyi wa ku munyinyi wanyi, mufuba wa ku mifuba yanyi. Nebamubikile ne: ‘Mmukaji’, bualu mmufumine kudi mulume.”

Nsumuinu 11:17

Muena luse udi wenzela muoyi wende bimpe. Kadi muena tshikisu udi udienzela bibi nkayende.

Muambi 4:5

Bushuwa, mupote udi kayi ukuata mudimu udi udifuisha ne nzala.

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yezekiyele 34:27

Mitshi neyikuame bimuma. Buloba nebumeneshe biakudia. Muntu yonsu neasombe talala mu ditunga. Nensulule nkanu idibu basuika bantu banyi. Nembapikule kudi bavua babakuate ku bupika. Nanku nebajadike ne: meme ndi Maweja-Nangila.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Matayi 6:26

Tangilayi nyunyi idi ibuka mulu. Kayena ikuna biakudia, kayena inowa, kayena nansha iteka biakudia mu mayeba. Kadi Tatu wenu udi mu diulu udi uyidisha! Nuenu bantu, kanuena bapite nyunyi anyi?

Rome 1:31

Kondu kabu ka munda kakena kabapisha ku bualu nansha bumue. Kabena bakumbaja bidibu balaya. Badi ne muoyi mupape, kabayi bafuila bantu luse.

Efeze 5:28

Nanku balume badi ne bua kunanga bakaji babu, bu mudibu bananga mubidi wabu. Muntu udi munange mukajende, mmudinange yeye mene.

Efeze 5:30

bualu tudi bidimba bia mubidi wende.

Efeze 5:31

Mukanda wa tshijila udi wamba ne: “Ke mudi mulume ne bua kushiya tatuende ne mamuende, bua kulamata mukajende. Bubidi buabu nebenze tshintu tshimue.”