Efeze 5:2 - MUKANDA WA MYIDI MUKULU

² Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

² Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Efeze 5:2 ပူးပေါင်းရင်းမြစ်များ

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Ekesode 29:18

Woshe bintu bionsu abi, bua bikale mulambu wa kuosha wa dipembu dimpe udi unsankisha meme Maweja-Nangila.

Ekesode 29:25

Pashishe, wangate kabidi bintu abi, ubiteke pa tshilambuilu pa mutu pa mulambu wa kuosha, bua bikale mulambu wa dipembu udi unnunkila meme Maweja-Nangila.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 1:17

Mutuangaji apande nyunyi awu mu tshiadi amutanyinyike. Oshe munyinyi onsu pa nkunyi ya kapia idi pa tshilambuilu, bualu mmulambu wa dipembu dimpe didi disankisha Maweja-Nangila.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 3:16

Mutuangaji oshe bintu bionsu abi pa tshilambuilu, bualu mmulambu wa dipembu dimpe moshila Maweja-Nangila. “Mafuta onsu ikale a Maweja-Nangila.

Amosa 5:21

Maweja-Nangila udi wamba ne: Ndi mbenga bibilu bienu, tshiena musue kubimona kabidi to. Ndi ngumvua muenge, panudi nusangila bua kuntendelela,

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Yowanane 13:34

Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Rome 4:25

Bayua bamufundile tshibawu tshia lufu bua mibi yetu. Bavua bamupingajile muoyi bua kutubingisha ku mesu kua Mvidi Mukulu.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

1 Korente 16:14

Enzayi bionsu ne dinanga.

1 Korente 5:7

Umushayi buanga bua mampa bukulukulu bua mibi ebu, bua nuikale kanuyi ne kalema nansha kamue. Nanku nenuikale bu tshitapitapi tshipiatshipia katshiyi tshiela buanga. Ke munukadi bulelela. Bualu bakadi bamane kulambula Kristu, muana wa mukoku wetu, bua kubanga tshibilu tshietu tshia Dipita dia Maweja-Nangila.

2 Korente 2:14

Kadi tutumbishayi Mvidi Mukulu, bualu misangu yonsu udi utubueja mu mulongu wa badi batshimuna, patudi badisange ne Kristu. Udi utuangata bu bena mudimu bende, bua tumanyishe Kristu miaba yonsu, mudi dipembu dia manananshi ditangalaka miaba yonsu.

2 Korente 2:15

Bushuwa, tudi bu mulambu wa manananshi udi Kristu ulambula Mvidi Mukulu; tudi dipembu diawu didi ditangalaka kudi badi mu njila wa lupandu, ne kudi badi babutuka.

2 Korente 8:9

Bualu nudi bamanye dinanga divua Mfumu wetu Yezu Kristu mutuleje. Uvua ne biuma, kadi mmudienze mupele bualu buenu, bua kununemesha ku bupele buende.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

Efeze 4:15

Kadi patudi bimane ne makasa abidi mu malu malelela, tunangangane kabidi, netutante bonsu, tuye kudi Kristu, mutu wetu.

Efeze 4:2

Diba dionsu nudipuekeshe. Nuikale ne lutulu, kabidi ne diyi dimpe. Nulengululangane bilema, nunangangane.

Efeze 5:15

Kanuenji malu bu bantu batatakane. Nuikale bantu ba meji.

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Dielulula 27:6

Bua kuibaka tshilambuilu atshi, mabue ikale anu kaayi masonga to. Pa tshilambuilu apu, nulambuilepu Maweja-Nangila milambu ya kuosha.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Kolose 3:14

Ikalayi nangananga ne dinanga. Ke mukaba udi unusuikakaja bonsu pamue.

1 Tesalonike 4:9

Kanuena nukengela bua tunufundile, nuenu bena ditaba, munudi ne bua kunangangana, bualu Mvidi Mukulu nkayende mmunulongeshe munudi mua kuenzelangana bimpe.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.

1 Timote 4:12

Muntu kakupetudi bua paudi nsongalume. Uleje bena ditaba malu mimpe a dinanga, a ditaba, ne a bunonoke, mu bionsu biudi wamba, ne bionsu biudi wenza.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 8:3

Mutuangaji munene yonsu mmuteka bua kulambula malambi ne milambu. Nanku bidi bimpe bua mutuangaji wetu munene kabidi ikale ne tshintu tshia kulambula.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Ebrewu 9:23

Pikalabu balengeja bimfuanyi bia malu a mu diulu, ku ditendelela dia malu a mushindu ewu, kadi malu malelela mene a mu diulu awu, adi akengela milambu mipite buimpe.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

1 Yone 3:16

Mutudi bamanye tshidi dinanga mmunyi? Bualu Yezu Kristu wakafua muoyi wende bualu buetu. Nanku tuetu kabidi tudi ne bua kufila muoyi wetu bua bana hetu.

1 Yone 3:23

Ke mukenji udiye utuelela: tuitabe Muanende Yezu Kristu, tunangangane kabidi, muvua Kristu mututumine diyi

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.