Efeze 4:6 - MUKANDA WA MYIDI MUKULU

⁶ Mvidi Mukulu udi umue, udi Tatu wa bantu bonsu. Udi ku mutu kua bonsu, ukuata mudimu kudi bonsu, usomba munda mua bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nzambi umue, Tatu wa bonso, udi ku mutu kua bonso, udi wenzesha bonso, udi munda mua bonso.

Efeze 4:6 ပူးပေါင်းရင်းမြစ်များ

Genese 14:19

Kumuelaye lupemba, wamba ne: — Mvidi Mukulu muena kulu, mufuki wa diulu ne buloba atumbe. Akuele wewe Abrame lupemba.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Malaki 2:10

Tuetu bonsu katuena bena tatu umue anyi? Mvidi Mukulu wa mumue ke udi mutufuke! Kadi tudi tuenzelangana malu mabi, tupula ndondu uwa Mvidi Mukulu mutue ne bankambua betu bua tshinyi?

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Matayi 6:9

Nutendelele mushindu ewu: “Tatu wetu udi mu diulu, dina diebe dia tshijila ditumbe;

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 17:26

Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

Rome 11:36

Bualu bionsu bidi bifuma kudiye. Bionsu bidiku ku bukole buende, kabidi bualu buende. Mvidi Mukulu atumbe kashidi tshiendelele! Amene.

1 Korente 12:6

Bukole ne meji bia kuenza nabi mudimu bidi bishilangane ku muntu ku muntu, kadi Mvidi Mukulu udi ubifila kudi bonsu udi amu umue wa momumue.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Efeze 1:21

Muamua Kristu udi ku mutu kua makole onsu adi kaayi amueneka, kabidi ku mutu kua mamfumu onsu mashilangane. Nansha lelu, nansha matuku adi kumpala, kakuena bumfumu nansha bumue budi kabuyi ku diyi diende.

Efeze 2:22

Badisange nende, nudi penu bidibu bibaka nabi nzubu, bua, pamue ne bantu bakuabu bonsu, nuenze nzubu umue, muaba udi Mvidi Mukulu usomba mu Mueyelu wende.

Efeze 3:17

Ndi mmulomba kabidi bua Kristu ikale mu mioyi yenu ku ditaba, bua nuase miji mu dinanga, nushindamemu.

Efeze 6:23

Mvidi Mukulu Tatu ne Mfumu Yezu Kristu bapeshe bana hetu bonsu bupole, dinanga, ne ditaba.

Dielulula 6:4

“Nuenu bena Izrayele, telejayi: Maweja-Nangila, Maweja-Nangila nkayende, ke Mvidi Mukulu wetu. Kakuena mukuabu to.

1 Yone 3:24

Muntu udi utumikila mikenji ya Mvidi Mukulu, udi ushala munda mua Mvidi Mukulu, ne Mvidi Mukulu udi ushala munda muende. Tudi bajadike mudi Mvidi Mukulu ushala munda muetu, bualu mmutupe Mueyelu wende wa Tshijila.