Efeze 4:4 - MUKANDA WA MYIDI MUKULU

⁴ Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mubidi udi umue ne Nyuma udi umue, bu munuakabikidibua kabidi mu ditekemena dimue dia dibikidibua dienu.

Efeze 4:4 ပူးပေါင်းရင်းမြစ်များ

Misambu 122:8

Bua dinanga dindi, munange bana betu ne balunda banyi, ndi nkujingila bupole.

Yirmeya 14:8

Kadi bena Izrayele mbakutekemene anu wewe. Bua wewe kubasungidila matuku a dikenga. Kadi wewe kuena muenyi mu ditunga dietu! Wewe kuena muena luendu, udi ulala anu dituku dimue.

Yirmeya 17:7

Kadi muntu udi utekemena kundi, udi ukeba ditalala kundi, ndi mmuela lupemba.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Bienzedi 15:11

Kanuenji nanku! Bualu tudi tuitaba ne: amu Mfumu Yezu udi utusungidila mumue nabu, amu bua luse luende.

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

1 Korente 10:17

Diampa didi amu dimue epele. Nanku nansha tuetu bikale bavule, tudi tuenza mubidi amu umue, bualu tudi tudisanga bonsu mu diampa dimue adi.

1 Korente 12:20

Kadi bidimba bidi bivule, mubidi udi amu umue.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

Efeze 2:16

Ku lufu luende lua ku mutshi mutshiamakane, Kristu mmujikije lukuna kashidi. Ku mutshi awu mmusuikakaje bisamba bibidi mu mubidi umue, mmubatuangaje kabidi ne Mvidi Mukulu.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Efeze 2:22

Badisange nende, nudi penu bidibu bibaka nabi nzubu, bua, pamue ne bantu bakuabu bonsu, nuenze nzubu umue, muaba udi Mvidi Mukulu usomba mu Mueyelu wende.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Efeze 5:30

bualu tudi bidimba bia mubidi wende.

Kolose 1:5

Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

1 Timote 1:1

Meme ndi Polu, mupostolu wa Yezu Kristu ku diyi dia Mvidi Mukulu, Musungidi wetu, ne ku diyi dia Yezu Kristu utudi tutekemena.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Tite 3:7

Nanku Mvidi Mukulu kudibingisha, bualu udi utunanga. Ke mutudi mua kupiana muoyi wa kashidi utudi ditekemena.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Yone 3:3

Muntu yonsu udi windila bualu ebu, mutekemene kudi Kristu, udi udilengeja ku bubi buonsu, bu mudi Yezu Kristu kabidi kayi ne bubi.