Efeze 2:3 - MUKANDA WA MYIDI MUKULU

³ Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Tuetu kabidi tuakikala munkatshi muabo diambedi, tuakalonda nkuka ya mibidi yetu, tuakalonda malu akadi mibidi yetu ne meshi etu bisue, bakaledibua bena lukuna bu mudi bakuabo.

Efeze 2:3 ပူးပေါင်းရင်းမြစ်များ

Genese 5:3

Adame mumane kukumbaja bidimu lukama ne makumi asatu, kulelaye muana wa balume mufuanangane nende. Kumuinyikaye dina dia Shete.

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Yobe 14:4

Kudi muntu udi mua kupatula tshintu tshidi ne mikiya ku tshintu tshidi katshiyi ne mikiya anyi? Nansha kakese!

Yobe 25:4

Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Marke 4:19

kadi disumpakana dia malu a panu, lukuka lua biuma ne majinga makuabu, bidi bibabuela munda, bikutakaja muaku, badi bapanga mua kukuama bimuma.

Yowanane 1:13

Kabena babalele ku bukole bua mashi, mudi tatu wa pa buloba ulela muana. Kadi Mvidi Mukulu nkayende ke udi mubapeshe muoyi mupiamupia.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Bienzedi 14:16

Ku kale Mvidi Mukulu uvua muanyishe bua bantu ba bisamba bikuabu balonde wabu njila.

Rome 1:24

Ke pavua Mvidi Mukulu mubafile ku nkuka idi mu mioyi yabu, bua kuenzabu malu a bundu, babuelelangana mu nzubu.

Rome 11:30

Kale nuenu bena bisamba bikuabu, nuvua batombokele Mvidi Mukulu. Kadi lelu Mvidi Mukulu mmunufuile luse, bualu bena Yuda bavua bamutombokele.

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Rome 2:14

Padi bantu ba bisamba bikuabu, badi kabayi bamanye mikenji ya bena Yuda, batumikila bobu nkayabu bidi mikenji ifunda, badi badielela mikenji nkayabu, nansha bobu kabayi ne mikenji.

Rome 5:10

Tuvua baluishi ba Mvidi Mukulu. Kadi ku lufu lua Muanende, Mvidi Mukulu mmupingaje diulu vuangana pankatshi petu nende. Nanku mpindiewu bamane kupingaja diumvuangana pankatshi petu nende, netupete lupandu ku muoyi wa Muanende.

Rome 5:9

Ku mulambu wa Kristu, ke kutudi babingile mpindiewu ku mesu kua Mvidi Mukulu. Nangananga tuetu bamane kubinga nanku, Yezu Kristu neatusungidile bulelela ku dinyoka dia Mvidi Mukulu.

Rome 6:12

Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Rome 7:18

Bualu ndi mumanye ne: bidi bimpe kabiena bisomba munda muanyi, nkuamba ne: mu buntu buanyi butekete. Bualu nansha dijinga dia kuenza bimpe dikale munda muanyi, tshiena ne bukole bua kudikumbaja.

Rome 9:22

Bushuwa Mvidi Mukulu uvua musue kuleja tshiji tshiende, ne kumanyisha bantu bukole buende. Kadi uvua muanji kulengulula ne lutuulu luvule bantu bavuaye mufikile munda, bakafua bakumbanyine kubutuka.

1 Korente 4:7

Kadi muudi mua kuditemba bu udi mupite bakuabu mmunyi? Bionsu biudi nabi, kuena mubipete kudi Mvidi Mukulu anyi? Kadi muudi mua kuditemba bua bionsu abi, bu muntu udi mudipetelebi mmunyi?

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Kolose 1:21

Ku kale nuenu kabidi nuvua kule ne Mvidi Mukulu. Nuvua baluishi bende, bua malu mabi onsu anuvua nuela meji, ne anuvua nuenza.

1 Tesalonike 4:13

Bana hetu, tudi tujinga bua numanye mu bulelela malu adi atangila bantu bafue, bua kanubungami bu bantu bakuabu badi kabayi ne ditekemena.

1 Tesalonike 5:6

Nenku katuena ne bua kulala tulu, mudi bantu bakuabu benza. Kadi tutabalayi, tudilame ku bunuavi.

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

1 Petro 1:14

Nutumikile Mvidi Mukulu. Kanulondi majinga anuvua nawu kale, panuvua kanuyi banji kumanya bulelela.

2 Petro 2:14

Badi balengamena amu bakaji badi bananga malu mabi. Kuenza malu mabi kakuena kubatonda. Badi bateya badi kabayi ne muoyi mukole. Muoyi wabu mmuibidile lukuka lua biuma. Mvidi Mukulu mmumane kubatshipa!

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

1 Yone 2:16

Bualu malu a panu ke majinga mabi a buntu buetu, lukuka lua bitudi tumona, kuditemba bua bitudi nabi. Malu onsu aa kaena afuma kudi Tatu, kadi kudi bukua panu.

1 Yone 2:8

Kadi mukenji undi nnufundila udi amu mupiamupia, bualu bulelela buawu budi bumueneka munda mua Kristu, ne munda muenu kabidi. Bualu miidima idi yumuka, butoke bulelela bukadi bukenka.