Efeze 2:20 - MUKANDA WA MYIDI MUKULU

²⁰ Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Tudi tuibakibua ha mutu ha bapostolo ne baprofete, bu bishimikidi bia nsubu; Kilisto Yesu nkayandi udi dibue dinene dia ku ditumba dia nsubu;

Efeze 2:20 ပူးပေါင်းရင်းမြစ်များ

1 Bakalenga 7:11

Pa tshitaku atshi, kutekabu mabue avuabu bamane kusonga, ne mabaya manene a mutshi wa sedre.

Misambu 118:22

Dibue divua bibaki ba nzubu bimanshe, ndishale mpindiewu mutu wa ditumba.

Nsumuinu 9:1

Meji uvua musonge makunji muanda mutekete bua kuasa nawu nzubu wende.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Zekâya 10:4

Bamfumu ba mishindu yonsu, nebafume mu tshisamba etshi, nebikale ne bukole, bu dibue dia mu ditumba, bashindame bu milonda idibu bashindika nayi ntenta mu buloba, bakole bu buta bua mvita.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Matayi 21:42

Ke Yezu kubambila ne: — Kanuena banji kubala mukanda wa Mvidi Mukulu anyi? Mbafundemu ne: “Dibue divua bibaki bimansha, ndishale dibue didi dishindika nzubu. Ke mudi Maweja-Nangila muenze nanku. Bualu bua dikema butuvua bamone!

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Efeze 3:5

Bualu busokome ebu, Mvidi Mukulu kavua mubumanyishe bantu ba bikondu bia kale to. Kadi mpindiewu kudi Mueyelu wende mmubumanyishe patoke bapostolu ba tshijila, ne bambi bende.

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

1 Petro 2:6

Bualu badi bafunde mu Mukanda wa tshijila ne: “Ndi mudisunguile dibue dia mushinga mukole, dindi nteka mpindiewu bu dibue dia mu ditumba pa mukuna wa Siyone. Udi utekemena kudidi, kakufua bundu musangu nansha umue.”

Didimanyisha 21:14

Bavua bashikike tshimana tshia tshimenga pa mabue dikumi ne abidi. Bavua bafunde pa mabue apu mena a bapostolu dikumi ne babidi ba Muana wa mukoku.