Efeze 1:9 - MUKANDA WA MYIDI MUKULU

⁹ Bivuaye wipatshila bitshivua bisokome. Kadi mmutumanyishebi, mumane kujadika nkayende bua kubikumbaja mu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wakatumanyisha bualu busokoka bua mu disua diandi bu mudi disanka diandi dimpe diakasunguleye munda muandi,

Efeze 1:9 ပူးပေါင်းရင်းမြစ်များ

Misambu 33:11

Kadi bulongolodi bua Maweja-Nangila mbua kashidi, meji ende adi ashala tshiendelele.

Yirmeya 2:29

Maweja-Nangila udi ukonka ne: Nudi nundiwula bua tshinyi? Nuenu bonsu nukadi bambenge.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Luke 12:32

— Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

Bienzedi 13:48

Bavua kabayi bena Yuda bumvua nanku, kusankabu bikole, bela Mfumu tuasakidila bua muaku wende. Bantu bonsu bavuabu basungula bua kupeta muoyi wa kashidi, kubuelabu mu Tshisumbu tshia bena ditaba.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

Ngalate 1:12

Tshivua mulupete kudi muntu. Kabavua bandongeshe lumu elu nansha. Kadi anu Kristu uvua mudileje kundi, ke uvua mulummanyishe.

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Ngalate 1:16

Diba divuaye musue kutumanyisha Muanende, bua meme kumanyisha bantu ba bisamba bikuabu Lumu luende lua Disanka, tshivua muye kulomba meji kudi muntu.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Efeze 1:8

Uvua mutunange bikole. Ke muvuaye mutupeshe lungenyi ne meji, bua tujingulule bidiye wenza.

Efeze 3:11

Mvidi Mukulu uvua muenze nanku, bilondeshile meji ende a kashidi, avuaye mukumbajile kudi Yezu Kristu Mfumu wetu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.