Efeze 1:1 - MUKANDA WA MYIDI MUKULU

¹ Meme Polu, uvua Mvidi Mukulu mubikile, bua ngikale mupostolu, ndi mfundila bantu ba Mvidi Mukulu badi mu Efeze, bavua badisange ne Yezu Kristu mu ditaba, mukanda ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Paulo, mupostolo wa Kilisto Yesu, bua disua dia Nzambi, kudi basanto badi mu Efeso ne kudi badi mua kueyemenyibua mu Kilisto Yesu;

Efeze 1:1 ပူးပေါင်းရင်းမြစ်များ

Dibadika 12:7

Kadi, bua muntu wanyi Moshe kabiena nanku to. Bualu yeye ke udi ulombola bimpe bantu banyi bonsu bena Izrayele.

Luke 16:10

Udi ulama bintu bikese bimpe, nealame kabidi bintu bivule bimpe. Udi udinga mu bintu bikese, neadinge kabidi mu bintu bivule.

Bienzedi 16:15

Kumutuabu mu mayi, yeye ne nzubu wende mujima. Pashishe kutulombaye ne: — Panuikala bamone ne: ndi ngitaba Mfumu menemene, nuvua kusomba kuanyi. Kutusengelelaye bikole. Tuetu kushisha kuitaba.

Bienzedi 18:19

Kufikabu mu Efeze. Polu kubuela mu nzubu wa kutendelela, kuyukidilangana ne bena Yuda. Bena Yuda kulomba Polu, bua ashale nabu matuku makuabu. Kadi Polu kavua musue to. Uvua ulayangana nabu, wamba ne: — Nempingane kuenu kunu, pikala Mvidi Mukulu musue. Kushiyaye Priskila ne Akuila muaba awu. Kumukaye mu Efeze ne majuwa.

Bienzedi 9:13

Ananiyase kuandamuna ne: — Mfumu, bantu ba bungi bavua batela muntu awu, bangambila malu mabi onsu avuaye wenzela bantu bebe mu Yerushalayime.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

Rome 8:1

Nanku mpindiewu kabena bapisha kabidi badi badisanga ne Yezu Kristu.

1 Korente 4:12

Tudi tukuata mudimu, tupungila bua kudipetela biakudia, Badi batupenda, tudi tubela lupemba. Padibu bankengesha, tudi tulama lutuulu.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

2 Korente 1:1

Meme Polu, uvua Mvidi Mukulu musungule, bua ngikale mupostolu wa Yezu Kristu, pamue ne muanetu Timote, tudi mfundila Tshisumbu tshia bena ditaba badi mu Korente, ne bonsu bena tshisamba tshia Mvidi Mukulu badi basomba mu ditunga dijima dia Akaya, mukanda ewu.

Ngalate 1:1

Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Ngalate 3:9

Nanku bonsu badi bitaba, nebabele lupemba, bu muvua Abrahame muitabe, bamuele lupemba.

Efeze 1:15

Bua bionsu ebi, nangananga kabidi bua pandi ngumvua batela munudi bitabe Mfumu Yezu, munudi banange kabidi bantu bonsu ba Mvidi Mukulu,

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Efeze 2:13

Kadi nuenu bavua kule, mpindiewu nudi badisange nende. Nanku nudi basemene pabuipi ne Mvidi Mukulu ku lufu lua Kristu.

Efeze 2:6

mMutubishe ku lufu pamue ne Kristu, bua kutusombesha mu nkuasa wa bumfumu mu diulu pamue nende.

Efeze 6:21

Tishike muanetu munanga, udi ukuatshila netu Mfumu mudimu ne muoyi umue, neanuambile malu onsu adi antangila, bua numanye munkadi mpindiewu.

Kolose 1:2

tudi tunufundila mukanda ewu, nuenu bantu ba Mvidi Mukulu, badi basomba mu Kolose. Nudi badienze bana hetu mu ditaba, bualu nudi badisange ne Kristu. Dinanga ne bupole bia kudi Mvidi Mukulu Tatu wetu bishindame munda muenu.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.