Ebrewu 9:2 - MUKANDA WA MYIDI MUKULU

² Bavua base ntenta. Ntenta awu uvua wa kumpala, uvuabu babikila ne: mmuaba wa tshijila. Munda muende muvua tshitekelu tshia miendu, mesa avua ne mampa avuabu balambula Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

² Bua tshitendelelu tshiakadi tshilongolola; mu muaba watshi wa kumudilu muakadi tshitekelu tshia muinda ne mesa ne mitanda ya mampa yakatekabohu; muaba udibo babikila ne, Wa Tshijila.

Ebrewu 9:2 ပူးပေါင်းရင်းမြစ်များ

Ekesode 25:23

“Pashishe, wenze mesa a mutshi wa ndunga. Bule buawu buikale bua metre umue. Butshiama buawu buikale bua santimetre makumi atanu, ne butumbuke buawu buikale bua santimetre makumi muanda mutekete ne itanu.

Ekesode 25:30

Mampa a tshijila anudi nundambula, ashale anu pa mesa apu kashidi.

Ekesode 25:31

“Wenza kabidi tshitekelu tshia muendu anu tshia tshiamu tshia mpawungi nkayatshi. Tshikale tshikuatakane: mikolu, matamba, makopu, tulongu tukese, mapu a bilongu bienza anu tshintu tshimue.

Ekesode 26:1

“Ungenzele muaba wa tshijila, mulongolola ne bilamba dikumi bia ndanda. Kadi, bilamba abi bikale bifikuluke, bikunzubile ne bikunze kunzuu. Ku bilamba abi, uzolaku Bakerubine bikale ne mapuapua.

Ekesode 26:33

Ulembeleje tshilamba ku nkanu. “Usokoke mushete udi ne meyi ne mikenji panyima pa tshilamba atshi. Tshilamba atshi netshikale tshilembeleja bua kunuleja muaba wa tshijila ne muaba wa tshijila menemene.

Ekesode 26:35

Uteke mesa muaba wa tshijila luseke lua ku mutu wa ditunga. Uteke tshitekelu tshia muendu tshitangilangane ne mesa luseke lua kuinshi kua ditunga.

Ekesode 29:1

“Ujidile Arone ne bana bende ba balume ku mudimu wa butuangaji nenku: “Usungule muana wa mukoku mulume umue ne bimpanga bibidi kabiyi kalema pambidi.

Ekesode 29:35

“Wewe Moshe, wenzele Arone ne bana bende ba balume, bionsu bindi mukuambile ebi. Ubajidile matuku muanda mutekete.

Ekesode 40:2

— Dituku dia kumpala dia ngondu wa kumpala, wimanyike ntenta wa kusambakena, ne nzubu wa tshijila.

Ekesode 40:4

Mu ntenta amu, utekemu mesa a tshijila, mikale ne mampa a kundambula meme Mvidi Mukulu. Utekemu kabidi tshitekelu tshia miendu. Utemeshe miendu ayi.

Matayi 12:4

Uvua mubuele mu nzubu wa Mvidi Mukulu. Yeye ne bantu be nde kudia mampa avuabu balambule Mvidi Mukulu. Kabavua ne dianyisha dia kudia mampa awu to. Mikenji yetu idi yamba ne: mampa awu, badi mua kuadia anu kudi batuangaji nkayabu.

Matayi 5:15

Kabena batemesha muendu bua kuubuikila mu kapanza. Kadi badi bauteka pa tshitekelu tshiawu, bua ukenkele bantu bonsu badi mu nzubu.

Ebrewu 9:25

Mutuangaji munene wa bena Yuda udi ubuela muaba wa tshijila ku tshidimu ku tshidimu ne mashi a nyama ya milambu. Kadi Kristu kavua mubuele bua kudilambula misangu ya bungi nansha.