Ebrewu 7:5 - MUKANDA WA MYIDI MUKULU

⁵ Ba ku ndelanganyi ya Levi badi batuangaji, badi ne bukenji bilondeshile mikenji, bua kulomba tshia dikumi tshia bintu bionsu kudi bena Izrayele. Mbuena kuamba ne: badi batshilomba ne kudi bana babu, nansha bobu bikale kabidi ndelanganyi ya Abrahame.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Ne bobo mene ba ku bana ba Lewi badi bangata mudimu wa muakuidi badi ne mukenshi wa kuangatabo bia dikumi kudi bantu bu mudi mikenshi nuambe, kudi bana babo mene, nasha bobo bine bafume ku tshimono tshia Abalahama;

Ebrewu 7:5 ပူးပေါင်းရင်းမြစ်များ

Genese 35:11

Kumuambila ne: — Ndi Mvidi Mukulu wa bukole buonsu. Utante, uvulangane, wikale nkambua wa bisamba bia bungi, bakalenga nebafume ku ndelanganyi yebe.

Genese 46:26

Ndelanganyi yonsu ya Yakobe, iwaye mufike nayi mu Ejipitu, ivua bantu makumi asambombu ne basambombu, katuyi tubale bakaji ba bana ba Yakobe.

1 Bakalenga 8:19

Kadi, wewe kuena ungibakila nzubu to, anu muanebe wa balume. Eyowa, anu muanebe menemene neangibakile nzubu ewu.”

Nehemya 13:10

Meme kumvua kabidi ne: bena Levi kabena bapeta bintu bivua bibafundila. Nanku bakavua bapingana ku madimi abu, balekela kuenza mudimu wa Mvidi Mukulu. Bena misambu pabu badi benza amu nanku.

Ekesode 1:5

Ndelanganyi ya Yakobe yonsu ivua bantu makumi muanda mutekete. Amu Yozefe uvua mumane kudianjila mu Ejipitu.

Ekesode 28:1

“Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.

Dielulula 26:12

Padi bidimu bisatu bikumbana, nenuikale ne “tshidimu tshia bia dikumi.” Nufile tshia dikumi, mmumue ne: tshintu tshimue tshia ku bintu dikumi binudi banowe. Biakudia abi, nebabiangate kudi bena Levi, bana ba nshiya, bakaji bakamba, ne benyi badi munkatshi muenu. Nanku nebikale ne biakudia bia bungi, kabayi bakenga munkatshi muenu.

Ebrewu 5:4

Muntu nansha umue kena mua kudipesha lumu lua kuikala mutuangaji munene. Muntu udi mua kuikala mutuangaji amu padi Mvidi Mukulu umubikila ku mudimu awu bu muvuaye muenze ne Arone.

Ebrewu 7:10

Tshikondu tshivua Melkisedeke muye kusambakena ne Abrahame, Levi ukavua munda mua mubidi mua nkambua wende Abrahame, nansha kabayi banji kumulela.