Ebrewu 7:3 - MUKANDA WA MYIDI MUKULU

³ Kabena bamanye tatuende wa Melkisedeke, nansha mamuende, nansha umue wa ku bankambua bende. Kabena batela muaba nansha umue diledibua diende, nansha lufu. Udi mufuanangane ne Muana wa Mvidi Mukulu. Udi ushala mutuangaji kashidi.

Mukanda wa Nzambi Dihungila Dikulukulu ne Dihungila Dihia-dihia 2003

³ kai tatu, kai mamu, kai bankambua, kai tshibangidilu tshia matuku anyi nshikidilu wa muoyo, kadi muvuishibue bu Muana wa Nzambi) udi muikale muakuidi tshiendelele.

Ebrewu 7:3 ပူးပေါင်းရင်းမြစ်များ

Ekesode 6:18

Kehate uvua mulele bana ba balume banayi: Amrame, Ishare, Ebrone ne Uziyele. Kehate wakashala ne muoyi bidimu lukama ne makumi asatu ne bisatu.

Dibadika 1:18

Nanku, dituku dia kumpala dia ngondu muibidi, Moshe ne Arone kusangisha bantu bonsu. Kufundabu ku muntu ku muntu, bilondeshile meku ne bisamba biabu, bantu balume bonsu bavua ne bidimu makumi abidi ne pa mutu.

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 7:1

Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

Ebrewu 7:17

Bualu Mukanda wa tshijila udi wamba ne: “Wewe newikale mutuangaji kashidi mushindu uvua Melkisedeke.”

Ebrewu 7:2

Abrahame kumupesha tshia dikumi tshia bintu bionsu bivuaye nabi. Bualu bua kumpala, dina dia Melkisedeke didi diumvuija ne: “Mukalenga wa malu mimpe,” pashishe uvua mukalenga wa Saleme, mbuena kuamba ne: “Mukalenga wa bupole.”

Ebrewu 7:6

Melkisedeke kavua wa ku ndelanganyi ya Levi nansha. Kadi uvua muangate kudi Abrahame tshia dikumi tshia bintu bi vua-ye nabi. Muntu uvua Mvidi Mukulu mulaye dilaya, Melkisedeke uvua mumuele kabidi lupemba.