Ebrewu 7:1 - MUKANDA WA MYIDI MUKULU

¹ Melkisedeke ewu uvua mukalenga wa Saleme, kabidi mutuangaji wa Mvidi Mukulu Muena kulu. Pavua Abrahame ufuma ku mvita mumane kutshimuna bakalenga, Melkisedeke kuya kusambakena nende, kumuela kabidi lupemba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bualu bua Melekisedeke eu, mukelenge wa Salema, muakuidi wa Nzambi Mutambe Bunene wa mu diulu, wakasangakana ne Abalahama hakadiye uhingana ku kushiha kuandi kua bakelenge, ne wakamusankisha.

Ebrewu 7:1 ပူးပေါင်းရင်းမြစ်များ

Misambu 57:2

Mvidi Mukulu wanyi, umfuile luse, ungambuluishe, bualu ndi mutekemene kuudi. Ndi muimane mu mapuapua ebe, too ne muapita tshipupu etshi.

Misambu 76:2

Mvidi Mukulu mmudimanyishe mu Yuda. Dina diende nditumbe mu Izrayele.

Misambu 78:35

Kuvulukabu ne Mvidi Mukulu uvua lubuebue luabu, Mvidi Mukulu Muena kulu uvua musungudi wabu.

Misambu 78:56

Kadi bobu kubenga Mvidi Mukulu Muena kulu, kumutombokela, kushipa mikenji yende.

Danyele 4:2

Dituku dikuabu, pa bulalu buanyi, meme kulota tshilota tshivua tshinkuatshisha bowa. Meji amvua ngela pamvua mulale, ne malu avua Mvidi Mukulu undeja, kunkuatshishabi bowa bukole.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Mika 6:6

“Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Marke 5:7

kuela diyi dikole ne: — Yezu Muana wa Mvidi Mukulu wa kulu, butudi nebe mbunganyi? Ndi nkusengelela mu dina dia Mvidi Mukulu, kunnyoki nansha!

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!

Ebrewu 6:20

Ke muaba uvua Yezu mubuele kumpala kuetu bua kutuleja njila. Udi mutuangaji munene bua kashidi mushindu wa Melkisedeke.

Ebrewu 7:2

Abrahame kumupesha tshia dikumi tshia bintu bionsu bivuaye nabi. Bualu bua kumpala, dina dia Melkisedeke didi diumvuija ne: “Mukalenga wa malu mimpe,” pashishe uvua mukalenga wa Saleme, mbuena kuamba ne: “Mukalenga wa bupole.”

Ebrewu 7:3

Kabena bamanye tatuende wa Melkisedeke, nansha mamuende, nansha umue wa ku bankambua bende. Kabena batela muaba nansha umue diledibua diende, nansha lufu. Udi mufuanangane ne Muana wa Mvidi Mukulu. Udi ushala mutuangaji kashidi.

Ebrewu 7:6

Melkisedeke kavua wa ku ndelanganyi ya Levi nansha. Kadi uvua muangate kudi Abrahame tshia dikumi tshia bintu bi vua-ye nabi. Muntu uvua Mvidi Mukulu mulaye dilaya, Melkisedeke uvua mumuele kabidi lupemba.