Ebrewu 5:3 - MUKANDA WA MYIDI MUKULU

³ Bu mudiye mene muena butekete, udi ne bua kulambula milambu, ya kayiyi amu bua kujimija mibi ya bantu bakuabu, kadi kabidi ne bua kujimija yende mene.

Mukanda wa Nzambi Dihungila Dikulukulu ne Dihungila Dihia-dihia 2003

³ ne bua bualu ebu yeye udi ne bualu bua kufila milambu bua mibi yandi kabidi muomumue ne ya bantu.

Ebrewu 5:3 ပူးပေါင်းရင်းမြစ်များ

Lewitiki 16:15

Pashishe neakose muminu wa mbuji wa mpumbu bua mulambu wa kukobolola nawu bantu. Angata mashi a mbuji awu, aye nawu muaba wa tshijila menemene, panyima pa tshilamba tshidi tshilembeleja. Aamiamine pa tshibuikidiji tshia mushete ne kumpala kua mushete, bu nuwuaye muenze ne mashi a ngombe mulume.

Lewitiki 16:6

“Arone nealambule ngombe mulume bua kudikobolola, pashishe neakobolole kabidi bena diku diende.

Lewitiki 9:7

Pashishe kuambilaye Arone ne: — Semena ku tshilambuilu, ulambule mulambu wa kudikobolola nawu, ne mulambu wa kuosha. Wenze bionsu bidi bikengela bua wewe kudikobolola, kukobolola ne bena Izrayele bonsu. Pashishe ulambule milambu ya bena Izrayele. Wenze kabidi ne bionsu bidi bikengela bua kukobolola bantu, bu muvua Maweja-Nangila muambe.

1 Korente 15:3

Mvua munulongeshe malu avuabu bandongeshe: Bualu bupite bunene mbobu ebu: Kristu mmufue bua mibi yetu, muvua Mikanda ya tshijila midianza kuamba.

Ebrewu 10:12

Kadi Kristu uvua mufile mulambu anu umue bua mibi. Mulambu ewu udi ushala ne bukole kashidi. Pashishe udi muye kusomba ku dia balume dia Mvidi Mukulu.

Ebrewu 7:27

Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

Ebrewu 9:7

Kadi amu mutuangaji munene nkayende ke udi ubuela mu ntenta muibidi. Udi ubuelamu amu musangu umue ku tshidimu. Udi uyamu ne mashi a nyama udiye ulambula Mvidi Mukulu bua mibi yende ne bua mibi idi bantu benze mu mpukapuka.