Ebrewu 4:7 - MUKANDA WA MYIDI MUKULU

⁷ Ke padi Mvidi Mukulu mujadike tshiakabidi dituku didiye ubikila ne: “lelu.” Uvua muteke dituku edi kunyima kua bidimu bivule mukana mua Davide, mu miaku itukavua bamane kufunda kulu ne: “Lelu, panudi numvua diyi dia Mvidi Mukulu, kanupapiji mioyi yenu.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ yeye udi Usungula dituku dikuabo ne, Lelu, Wamba mu Misambu ya Davidi musangu mumane kuleha mule nunku (bu muakambibua diambedi) ne, Lelu binunvua dî diandi, Kanukoleshi mitshima yenu.

Ebrewu 4:7 ပူးပေါင်းရင်းမြစ်များ

1 Bakalenga 6:1

Bena Izrayele bamane kupatuka mu Ejipitu kupita bidimu nkama inayi ne makumi muanda mukulu, mukalenga Shelomu kutuadija kuasa nzubu wa Mvidi Mukulu. Mukalenga Shelomu mumane kushala mu bukalenga bua bena Izrayele bidimu binayi, midimu ya kuasa nzubu wa Mvidi Mukulu kutuadija mu ngondu wa Zive, mmumue ne: ngondu muibidi wa tshidimu.

Misambu 95:7

Bualu yeye ke udi Mvidi Mukulu wetu, tudi bantu badiye ulama, tudi tshisumbu tshia mikoku tshidi tshianza tshiende tshilombola. Lelu, nudi mua kumvua tshidiye wamba anyi?

Matayi 22:43

Yezu kubebeja ne: — Kadi mmunyi muvua Davide, uvuabu balombola kudi Mueyelu wa tshijila, umubikila ne: “Mfumu?” Bualu Davide uvua wamba ne:

Marke 12:36

Bualu Davide nkayende mulombolakudi Mueyelu wa Tshijila, uvua wamba ne: “Maweja-Nangila Mvidi Mukulu uvua wamba Mfumu wanyi ne: Luaku usombe ku diboku dianyi dia balume, too ne pandi nteka baluishi bebe muinshi mua makasa ebe.”

Luke 20:42

Bualu Davide mene mu mukanda wa misambu udi wamba ne: “Maweja-Nangila Mvidi Mukulu uvua wamba Mfumu wanyi ne: Somba ku diboku dianyi dia balume,

Bienzedi 2:29

Bana betu, ndi mua kunuambila bualu bua nkambua wetu Davide patoke too: ukadi mufue. Bakamujika. Lukita luende ludi munkatshi muetu emu ne lelu.

Bienzedi 2:31

Nanku Davide uvua mudianze kumona bivua ne bua kuenzeka. Ke muvuaye mumanyishe dibika dia Kristu, pavuaye wamba ne: “Kabavua bamulekele mu kandondu ka bafue. Mubidi wende kauvua mubolele mu lukita.”

Bienzedi 28:25

Bu muvuabu kabayi basue kumyuangana, bakavua bakeba kutangalaka. Ke Polu kubambila amu ne: — Miaku ivua Mueyelu wa Tshijila muambile bankambua benu mukana mua muambi Yeshaya, ivua pa bualu!

Ebrewu 3:15

Bualu Mukanda wa tshijila udi wamba ne: “Lelu panudi numvua diyi dia Mvidi Mukulu, kanupapiji mioyi yenu, bu tshikondu tshinuvua bamutombokele.”