Ebrewu 2:9 - MUKANDA WA MYIDI MUKULU

⁹ Kadi tudi tumona ne: Yezu uvuabu bapuekeshe kakese kuinshi kua batumibue ba Mvidi Mukulu, bualu bua lufu luvuaye mufuile bantu, mmupete butumbi ne lumu. Nanku bualu bua dinanga didi Mvidi Mukulu utunanga nadi, Yezu mmufuile bantu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi tudi tumutangila yeye wakakeheshibua kakese kudi Banjelo, Yesu mene, bualu bua dikenga dia lufu muashibue tshifulu tshia butumbi ne buneme, bua ku ngasa wa Nzambi alabuile muntu yonso lufu.

Ebrewu 2:9 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Matayi 16:28

Bulelela, ndi nnuambilamu ne: bamue batudi nabu apa, kabakufua kabayi bamona Muana wa muntu ufika mu Bukalenga buende.

Matayi 6:28

— Nudi nuditatshisha bua bilamba bia kuvuala bua tshinyi? Tangilayi mudi bilongu bia mu mpata bidiunda. Kabiena bienza mudimu, kabiena bikuma bilamba.

Marke 9:1

Yezu kubambila kabidi ne: — Ndi nnujadikila ne: bamue ba ku bantu badi muaba ewu kabena mua kufua kabayi banji kumona mudi Bukalenga bua Mvidi Mukulu bufike ne bukole.

Luke 9:27

Ndi nnujadikila bulelela ne: bakuabu badi muaba ewu nebamone Bukalenga bua Mvidi Mukulu, kabayi banji kufua.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 10:17

Tatu mmunnange, bualu ndi mfila muoyi wanyi bua meme kuwangata tshiakabidi.

Yowanane 12:32

Kadi meme, pangelabu kulu, nenkoke bantu bonsu kundi.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 8:51

Ndi nnujadikila ne: muntu udi utumikila miaku yanyi, katshia kena ufua to.

Yowanane 8:52

Bena Yuda kumuandamuna ne: — Mpindiewu tudi tujadika ne: udi ne mukishi mubi munda! Abrahame kufua, bambi kabidi. Kadi wewe udi wamba ne: “Muntu udi ukumbaja bindi ngamba katshia kena ufua to.”

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

Rome 5:18

Nanku bu muvua bubi bua muntu umue ewu, Adame, bupisha bantu bonsu, ke mudi malu mimpe a muntu umue, Yezu Kristu, abingisha bantu bonsu kumpala kua Mvidi Mukulu, abapetesha muoyi.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

2 Korente 5:15

Uvua mufuile bantu bonsu, bua bantu batshidi ne muoyi kabakebi kabidi bidi bibalengelela bobu, kadi bakebe bidi bilengelela udi mubafuile, udi Mvidi Mukulu mubishe ku lufu.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.

Ebrewu 1:9

Udi unanga bidi Mvidi Mukulu musue, ubenga bidiye ubenga. Ke pavua Mvidi Mukulu, Mvidi Mukulu webe mukujidile, mukuele manyi a tshijila a disanka pa mutu, mukusungule anu wewe, mubenge bena mulongu nebe.”

Ebrewu 10:5

Nenku pavua Kristu mufike mu bantu, uvua muambile Mvidi Mukulu ne: “Kuena musue milambu nansha malambi, kadi uvua mundongoluele mubidi.

Ebrewu 11:5

Amu bua ditaba, bakambula Enoke baya nende kua Mvidi Mukulu kayi mufue. Muntu nansha umue kena mumumone kabidi, bualu Mvidi Mukulu uvua mumuambule bua ikale nende. Mukanda wa tshijila udi wamba ne: Enoke uvua musankishe Mvidi Mukulu kabayi banji kumuambula mulu.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.

Ebrewu 2:7

Udi mumupuekeshe kuinshi kua batumibue bebe, wewe kumupa butumbi ne lumu,

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Ebrewu 8:3

Mutuangaji munene yonsu mmuteka bua kulambula malambi ne milambu. Nanku bidi bimpe bua mutuangaji wetu munene kabidi ikale ne tshintu tshia kulambula.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

Didimanyisha 19:12

Mesu ende avua engelela bu kapia. Uvua muase bifulu bivule bia bukalenga pa mutu. Bavua bafunde pambidi pende dina didiye yeye nkayende mumanye.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.