Ebrewu 13:10 - MUKANDA WA MYIDI MUKULU

¹⁰ Batuangaji badi benza mudimu muaba wa tshijila wa bena Yuda kabena mua kudia bidibu balambula pa tshilambuilu tshietu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tudi ne tshioshelu, tshidi badi bakuata mudimu mu tshitendelelu kabai bamanye mua kudiaku.

Ebrewu 13:10 ပူးပေါင်းရင်းမြစ်များ

Dibadika 7:5

— Wangate milambu yabu. Matempu ne ngombe ebi, nebakuate nabi mudimu bua ntenta wa kusambakena. Ubifile kudi bena Levi bilondeshile midimu idibu nayi.

1 Korente 10:20

“Nansha kakese! Kadi ndi ngamba ne: bidi batendeledi ba mvidie balambula, kabena babilambula Mvidi Mukulu, kadi amu mikishi mibi. Nanku tshiena musue bua nudisange ne mikishi mibi.

1 Korente 9:13

Nudi bamanye bimpe ne: badi benza mudimu mu nzubu wa Mvidi Mukulu, badi bapeta biakudia biabu ku bidi bantu bela mu nzubu amu. Badi balambula milambu pa tshilambuilu, badi bapeta tshiabu tshitupa tshia milambu eyi.

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”