Ebrewu 11:3 - MUKANDA WA MYIDI MUKULU

³ Ku ditaba ke kutudi bajadike ne: bintu bionsu mbabifuke ku muaku wa Mvidi Mukulu. Nanku bitudi tumona mbifume ku bitudi katuyi tumona.

Mukanda wa Nzambi Dihungila Dikulukulu ne Dihungila Dihia-dihia 2003

³ Bua ditabusha tudi tujingulula ne buloba buakalongolodibua ku dî dia Nzambi, bua nunku bitudi tumona ku mesu kabiakufukibua ku bintu bidi bimueneka ku mesu.

Ebrewu 11:3 ပူးပေါင်းရင်းမြစ်များ

Genese 1:1

Dituku dia kumpala Mvidi Mukulu kufuka diulu ne buloba.

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Misambu 33:9

Udi wakula, etshi tshienzeka! Utuma diyi, tshiatshia tshipatuka!

Yeshaya 40:26

Tangila mu diulu muamua. Monayi mudiye mufuke mitotu, muvuaye muyipatule bungi buayi, bu tshiluilu tshia bilobu. Udi muyiteke yonsu bua imukuatshile mudimu. Bu mudiye ne bukole bupite bunene, kabidi ne bumfumu, yonsu idi yitaba diyi diende, padiye uyibikila, uyituma.

Yirmeya 10:11

Nuambile bena Izrayele ne: mvidie eyi yonsu, idi kayiyi mifiike nansha diulu nansha buloba, neyijimine pa buloba. Kayena ne muaba kabidi muinshi mua diulu to.

Yirmeya 10:16

Kadi Maweja-Nangila kena bu mudi mpingu to. Bena Izrayele ntshisamba tshiende tshia bumpianyi. Yeye ke udi mufuke bintu bionsu. Bena Izrayele mbantu bende. Dina diende Maweja-Nangila wa bukole buonsu.

Yowanane 1:3

Mvidi Mukulu uvua mufuke bintu bionsu ne Muaku. Kakuvua tshintu nansha tshimue tshivua Mvidi Mukulu kayi mufuke ne Muaku.

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

Bienzedi 17:24

Mvidi Mukulu udi mufuke bukua panu ne bionsu bidipu, Yeye ke Mfumu wa diulu ne wa buloba. Kena usomba mu nzubu idi bantu bibaka.

Rome 4:17

mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

1 Timote 4:5

Bualu muaku wa Mvidi Mukulu ne ditendelela bidi bienza biakudia bintu bidi bisankisha Mvidi Mukulu.

Ebrewu 1:2

Kadi matuku a ndekelu aa, mmutuambidilewu kudi Muanende. Kudiye nkudi Mvidi Mukulu mufukile bintu bionsu. Yeye ke udi Mvidi Mukulu musungule bua apiane bintu bionsu.

Ebrewu 6:5

Bavua bamane kumvua ne: muaku wa Mvidi Mukulu udi mulenga, bamanye bukole bua malu atshidi kumpala.

2 Petro 3:5

mBapue muoyi ku bukole muvua Mvidi Mukulu muakule ku kale, mufuke diulu ne buloba ku muaku wende. Bavua bapatule buloba mu mayi; mpindiewu budi bulelemapu.

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”