Dielulula 9:9 - MUKANDA WA MYIDI MUKULU

⁹ Meme Moshe mvua mubande ku mukuna bua kuangata mabue, avua ne mikenji ya ndondu wenu ne Maweja-Nangila. Meme kulalaku matuku makumi anayi a munya ne a butuku, tshiyi mua kudia nansha kunua.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hanakabanda ku mukuna bua kuangata mabue akadi ne mei a tshihungidi tshia Yehowa mafundahu, nakashala ku mukuna matuku makumi anai munya ne butuku; tshiakadia bidia, tshiakanua mai.

Dielulula 9:9 ပူးပေါင်းရင်းမြစ်များ

1 Bakalenga 19:8

Ke muambi Eliya kujuka bua kudia ne kunua. Biakudia abi kumupa bukole. Kuendaye matuku makumi anayi, munya ne butuku, too ne ku Sinayi, mukuna wa Mvidi Mukulu.

2 Bakalenga 6:22

Muambi Elisha kuandamuna ne: — Nansha, kuena mua kubashipa to. Bantu badi bantu bebe bakuata mu mvita, utu ubashipesha anyi? Nanku bantu aba, ubapeshe biakudia ne bia kunua. Pashishe, ubalekele, bapingane kudi mukalenga wabu.

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

Ekesode 24:15

Moshe kubanda ku mukuna. Mukuna awu uvua mubuikile kudi divuba.

Ekesode 24:18

Moshe kubuela munda mua divuba, kubanda kabidi pa mukuna, kushalaku matuku makumi anayi a munya ne a butuku.

Ekesode 31:18

Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Ekesode 32:1

Bena Izrayele bamona ne: Moshe wapitshi kujingakana ku mukuna, kuambilabu Arone ne: — Utuenzele mvidie, afilele kumpala kuetu. Bualu muntu ewu Moshe, uvua mutupatule mu Ejipitu, katuena bamanye tshidi tshimuenzekela to.

Ekesode 34:28

Moshe kushala muaba uvua Maweja-Nangila matuku makumi anayi a munya ne a butuku, kayi udia, kayi unua, ufunda anu mikenji dikumi ivua ijadika ndondu wa diulu vuangana diabu.

Matayi 4:2

Yezu mumane kupitshisha matuku makumi anayi a munya ne butuku kayi udia, kushishaye kumvua nzala.

Ngalate 4:24

Munda mua bualu ebu mudi dilongesha dinene: bamamu babidi aba badi baleja ndondu ibidi: ndondu wa kumpala udi Agare uleja, ke wa pa mukuna wa Sinayi, wa bana bapika.

Dielulula 8:3

Yeye mumane kunukengesha ne nzala, kumupeshaye mana, biakudia binuvua kanuyi banji kumanya, nansha nuenu nansha bankambua benu. Bionsu ebi, anu bua kunulongesha ne: muntu kena ne muoyi anu bua biakudia nkayabi to, kadi bua meyi onsu adi apatuka mukana mua Mvidi Mukulu.

Dielulula 9:11

Nanku matuku makumi anayi a munya ne butuku mamane kukumbana, Maweja-Nangila kumpesha mikenji ya ndondu,

Dielulula 9:15

Meme kutuluka ku mukuna, uvua umueneka mukuate kapia. Mvua muambule ku bianza mabue avua ne mikenji ya ndondu.

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.