Dielulula 9:3 - MUKANDA WA MYIDI MUKULU

³ Lelu nenujadike ne: Maweja-Nangila Mvidi Mukulu wenu, udi wenda kumpala kuenu. Yeye udi bu kapia kadi kabutula bintu bionsu. Nanku Maweja-Nangila neabipate. Nenubatshimune lukasa, mubabutule bonsu, mbanyenge bintu biabu, bu muvua Maweja-Nangila mulaye.

Mukanda wa Nzambi Dihungila Dikulukulu ne Dihungila Dihia-dihia 2003

³ Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

Dielulula 9:3 ပူးပေါင်းရင်းမြစ်များ

Ekesode 23:23

“Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Yeshaya 30:27

Monayi, Maweja-Nangila nkayende udi ufika, ufumina kule. Kapia ne muinshi bidi bileja tshiji tshikole tshidiye natshi. Udi wakula ne tshiji. Miaku yende idi bu kapia kadi kosha.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Mika 2:13

Mvidi Mukulu udi upanda njila. Neende kumpala kuenu. Mbamane kunupikula. Nudi nudipandila njila, nupatuka, nuya! Maweja-Nangila mukalenga wenu, ke udi unulombola.”

Matayi 15:10

Pashishe Yezu kubikila bantu, kubambila ne: — Telejayi, numvue bindi ngamba:

Marke 7:14

Pashishe Yezu kubikila bantu tshiakabidi, kubambilaye ne: — Nuenu bonsu, nunteleje, mimanye bimpe ne:

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Dielulula 1:30

Maweja-Nangila Mvidi Mukulu wenu udi wenda kumpala kuenu. Neanutshimuine mvita eyi. Nudi bamanye nuwuaye muenze mu Ejipitu,

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Dielulula 20:4

Maweja-Nangila Mvidi Mukulu wenu udi nenu. Neanuluile mvita ayi, bua nuenu kubatshimuna!”

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

Dielulula 7:22

Panuasemena pabuipi, yeye neipate bantu aba ku kakese ku kakese. Bualu nuenu babutule bonsu musangu umue, nyama ya tshisuku neyivulangane bua kunuluisha.

Dielulula 9:6

Numanye ne: Maweja-Nangila Mvidi Mukulu wenu neanupe ditunga edi dimpe, kadi ki mbua buakane buenu to. Bualu nudi tshisamba tshia bantu badi bamutombokela!

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

Ebrewu 12:29

Bualu Mvidi Mukulu wetu udi kapia kadi kubutula.

Yoshua 11:12

Yoshuwa kutshimuna mu mvita bakalenga bonsu bavua badisangisha abu. Kukuataye kabidi bimenga biabu. Kushipaye bakalenga abu ne bantu bonsu, amu bu muvua Moshe, muntu wa Maweja-Nangila muambe.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Yoshua 14:12

Mpindiewu umpeshe panyi buloba bua mikuna buvua Maweja-Nangila mundaye ku kale. Mvua mukuambile diba adi ne: ndelanganyi ya Anake idi luseke alu. Mmiase bimenga binene, bivuabu bakolesha ne bimana. Kadi bu Maweja-Nangila mungambuluishe, nembipate muvua Maweja-Nangila nkayende mumane kuamba.

Yoshua 3:11

Nanku mushete wa ndondu wa Maweja-Nangila, Mukalenga wa buloba bujima, neusabuke Yardene kumpala kuenu.

Yoshua 3:14

Bena Izrayele kumuangata mu mitanda, bua kusabuka musulu wa Yardene. Batuangaji bavua bambula mushete wa ndondu, bavua benda kumpala kuabu.

Balombodi 4:14

Ke Debora kuambila Barake ne: — Juka! Lelu Maweja-Nangila neafile Sisra mu bianza biebe. Maweja-Nangila nkayende udi wenda kumpala kuebe! Barake kutuluka ku mukuna wa Tabore. Bantu bende binunu dikumi kumulonda.