Dielulula 8:2 - MUKANDA WA MYIDI MUKULU

² Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Mukanda wa Nzambi Dihungila Dikulukulu ne Dihungila Dihia-dihia 2003

² Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

Dielulula 8:2 ပူးပေါင်းရင်းမြစ်များ

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

2 Kulondolola 32:31

Kadi pavua bamfumu ba bena Babilone batume bantu bua kumanya malu a dikema avua menzeke mu ditunga diende, Mvidi Mukulu uvua musue ne: Izkiya adienzele malu. Uvua muenze nanku bua kumuteta, bua kumanya muoyi udi Izkiya nawu.

2 Kulondolola 33:12

Pavua Menashe mu dikenga dinene, kutendelelaye Maweja-Nangila Mvidi Mukulu wende. Kutondaye bubi buende kumpala kua Mvidi Mukulu wa bankambua bende.

2 Kulondolola 33:19

Mu mukanda wa malu a Ozayi mbafunde kabidi ditendelela diende, ne mushindu uvua Mvidi Mukulu muitabe dilomba diende. Mbafundemu malu mabi avuaye muenze, ne muvuaye mutombokele Mvidi Mukulu. Mbafundemu kabidi miaba iwaye muase nzubu, ne makunji ne mpingu bia kutendelela mvidie ya bantu benyi, pavuaye kayi muanji kutondela Mvidi Mukulu mibi yende.

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Yobe 33:17

Udi musue tudilengeje, tulekele kuditambisha.

Misambu 103:2

Eyowa, ndi musue kuela Maweja-Nangila tuasakidila, tshiena ndekela kuvuluka bualu buende buimpe nansha bumue.

Misambu 106:7

Pavua batatu betu mu Ejipitu, kabavua bajingulule malu a kukema a Maweja-Nangila, kabavua bavuluke malu ende makane mapite bungi. Kumutombokelabu pabuipi ne mayi manene a Luepu.

Misambu 136:16

Kulombolaye tshisa tshiende mu tshipela, bualu dinanga diende ndia kashidi.

Misambu 77:11

Ndi ngamba ne: “Bualu budi buntonda budi bua Mvidi Mukulu wa bukole buonsu, kena kabidi netu bualu.”

Misambu 81:7

Ndi mukumbushe bujitu buvua pa makaya ebe, bianza biebe mbilekela tshisaka tshia bujitu.

Ekesode 15:25

Moshe kusengelela Maweja-Nangila. Maweja-Nangila kumuleja tshitupa tshia mutshi. Moshe kutshiela mu mayi. Bululu mu mayi kujika. Ke muaba uvua Maweja-Nangila mupeshe bena Izrayele meyi ne mikenji biende, mubatete kabidi.

Ekesode 16:35

Bena Izrayele kudia mana awu bidimu makumi anayi, too ne ku difika diabu mu ditunga divua bantu base, nanku too ne papitabu ku mikalu ya ditunga dia Kenaane.

Ekesode 16:4

Maweja Nangila kuambila Moshe ne: — Ndi musue kukutumina biakudia bia mu diulu. Dituku dionsu, bena Izrayele nebaboye biakudia bikumbane, kadi anu bua dituku adi. Ke mundi nnuteta, bua meme kujadika ne: bena Izrayele nebitabe mikenji yanyi anyi?

Ekesode 20:20

Moshe kubandamuna ne: — Kanutshinyi to. Mvidi Mukulu mmufike bua kunuteta, bua numutshine, nulekele buenzayi.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yezekiyele 20:19

Meme ndi Maweja-Nangila Mvidi Mukulu wenu. Nulonde mikenji yanyi. Nukumbaje meyi anyi.

Amosa 2:10

Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.

Dibadika 14:33

Kadi bana benu nebashale mu tshipela emu bidimu makumi anayi, badisha amu bimuna biabu. Nebashale pabu mu dikenga bua dintombokela dienu, too ne panuabutuka bonsu, nuenu baledi babu.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Yowanane 2:25

Kasua ukengela bua bamujinguluile malu a bantu. Bualu Yeye nkayende usua mumanye malu adi munda muabu.

Dielulula 1:3

Dituku dia kumpala dia ngondu wa dikumi ne umue, bena Izrayele bamane kukumbaja bidimu makumi anayi katshia bapatuke mu Ejipitu, Moshe kubamanyisha bionsu bivua Maweja-Nangila mutume diyi bua kuenzabu.

Dielulula 1:33

Kadi Yeye ke uvua munudianjidile mu njila, bua kunukebela muaba wa kuasa mitanda. Nanku butuku uvua nenu mu tshikutu tshia kapia tshivua tshinutokeshila njila, mu munya uvua nenu mu divuba.

Dielulula 13:3

tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

Dielulula 2:7

— Bualu Maweja-Nangila Mvidi Mukulu wenu mmunuendeshe diakalenga mu bionsu binuvua nuenza. Uvua nenu, munulame bimpe mu luendu mu tshipela tshinene atshi, bidimu makumi anayi, kanuyi nukengela tshintu.

Dielulula 29:5

Kabidi kanuvua nukengela mampa a kudia, nansha maluvu a kunua. Maweja-Nangila kunupesha bionsu, mbua nuenu kujadika ne: Maweja-Nangila udi Mvidi Mukulu wenu.

Dielulula 32:7

Vulukayi matuku a kale. Elayi meji ku bidimu bimane kupita. Ebejayi baledi benu, nebanuambile bivua bienzeka. Konkayi bakulumpe, nebanulondele malu a kale.

Dielulula 7:18

Kanubitshinyi! Nuvuluke muvua Maweja-Nangila Mvidi Mukulu wenu muenze ne mukalenga wa bena Ejipitu, ne bantu bende bonsu.

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

Yakobe 1:3

Bualu nudi bamanye ne: padibu bateta ditaba dienu, nudilama bimpe, nedinufikishe ku dinanukila.

Yakobe 4:10

Nudipuekeshe kumpala kua Mfumu. Yeye neanubandishe.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.

Balombodi 2:22

Nengangate bisamba ebi, bua meme kujadika nabi ne: bena Izrayele mbasue kuntumikila, muvua bankambua babu benza, anyi mbabenge mua kuenza tshindi musue.

Balombodi 3:4

Maweja-Nangila uvua mushiye bisamba ebi, bua kujadika nabi ne: bena Izrayele nebakumbaje mikenji, inwua mupeshe Moshe bua kumanyishaye bankambua babu anyi?