Dielulula 8:17 - MUKANDA WA MYIDI MUKULU

¹⁷ Kadi kanuedi meji ne: nudi badipetele diakalenga ku bukole buenu nkayenu to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ kanuambi mu mitshima yenu ne, Tuakudiangatshila biuma ebi bionso ne bukole bua bianza bietu.

Dielulula 8:17 ပူးပေါင်းရင်းမြစ်များ

Yobe 31:25

Tshivua muditambishe bua biuma bivule bimvua nabi nansha. Tshivua muditembe bua bintu bia bungi bimvua mupete, ku mudimu wanyi.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Muambi 3:6

Kudi tshikondu tshia kukeba, ne tshikondu tshia kujimija; tshikondu tshia kulama ne tshia kuimansha,

Muambi 9:11

Ndi mumone kabidi malu a bungi pa buloba. Bena lubilu lukole kabatu bapita bantu bonsu mu diteta dia kunyema lubilu to. Badi batshimuna mu mvita kabena misangu yonsu bilobu nansha. Badi bimpe pa buloba ki mbena meji to. Badi bapeta biuma ki mbena lungenyi misangu yonsu to. Badi bapeta lumu ki mbadi bamanye malu to. Muntu yonsu udi mua kupeta dikasa dibi.

Yirmeya 9:22

Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!

Yezekiyele 28:5

Udi muvudije biuma biebe, bualu udi mumanye mua kuenda mushinga. Kadi biuma bionsu ebi udi anu uditambisha nabi.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Osheya 12:8

Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Abakuke 1:16

Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.

1 Korente 4:7

Kadi muudi mua kuditemba bu udi mupite bakuabu mmunyi? Bionsu biudi nabi, kuena mubipete kudi Mvidi Mukulu anyi? Kadi muudi mua kuditemba bua bionsu abi, bu muntu udi mudipetelebi mmunyi?

Dielulula 7:17

Misangu mikuabu nudi nuela meji ne: “Bisamba abi mbitupite bukole! Katuena ne mushindu wa kubinyenga bidibu nabi to!”

Dielulula 9:4

Maweja-Nangila Mvidi Mukulu wenu mumane kuipata bantu aba, kumpala kuenu, kanuditambishi ne: “Maweja-Nangila mmutupe ditunga edi, bualu tudi bantu ba nsongu.” Kadi numanyene: Maweja-Nangila mmuipate bantu aba kumpala kuenu, bualu mbena buenzayi.

Balombodi 7:2

Maweja-Nangila kuambila Ngideyone ne: — Bena mvita bebe mbapite bungi. Tshiena mua kubambuluisha bua batshimune bena Madiyane. Bualu bena Izrayele badi mua kuditambisha ne: tudi batshimune ku bukole buetu. Nanku bena Izrayele badi mua kudiangatshila butumbi budi buanyi.

1 Samuele 2:7

Maweja-Nangila udi uvuija muntu mupela nansha mubanji. Udi umupuekesha milongu, nansha umubandisha.

1 Samuele 30:23

Davide kuandamuna ne: — Bana betu, kanuenji nanku to. Bintu ebi mbitupesha kudi Maweja-Nangila. Yeye ke uvua mutalame, mufile mu bianza bietu, bivi aba bavua baluisha tshimenga tshia Siklaje.