Dielulula 7:5 - MUKANDA WA MYIDI MUKULU

⁵ Nanku nunyangakaje bilambuilu biabu, nupule tshibumba tshia mabue tshidibu benze, nupule makunji a kutendelela mvidie adibu base, nuoshe kabidi ne mpingu yabu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi nenubenzele nunku: nushihe bishihelu biabo, nuele mabue abo hanshi adibo batendelela, nutahe Bashela babo, nuoshe mpingu yabo ne kahia.

Dielulula 7:5 ပူးပေါင်းရင်းမြစ်များ

2 Bakalenga 10:26

Kupatulabu makunji a tshijila avua mu nzubu amu, ku wosha.

1 Kulondolola 14:12

Pavua bena Peleshete banyema, bavua bashiya mpingu ya mvidie yabu muaba awu. Davide kutuma diyi bua bayoshe.

2 Kulondolola 14:3

Kuambilaye bena Yuda bua batendelele Maweja-Nangila Mvidi Mukulu wa bankambua babu, batumikile meyi ne mikenji biende.

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Ekesode 32:20

Moshe kubakula lupingu lua kana ka ngombe alu, kuluosha, kuvingutukalu. Kuelaye butu abu mu mayi, kumushaye bena Izrayele mayi awu.

Ekesode 34:13

Nanku, nupule bilambuilu biabu, nupule makunji abu adibu batendelela.

Yeshaya 17:8

Kabena baya kabidi ku bilambuilu bivuabu badienzele, nansha ku mvidie ivuabu basonge ne bianza biabu, nansha ku makunji a bijila, nansha ku bioshelu bia manananshi.

Lewitiki 26:1

“Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Dielulula 16:21

Kanuena mua kuasa dikunji, nansha kukuna mutshi, bua kutendelela mvidie mikuabu, pabuipi ne tshilambuilu, tshinudi benzela Maweja-Nangila Mvidi Mukulu wenu to.

Dielulula 16:22

Kanuena mua kuimanyika dibue dia kutendelela mvidie muaba awu to. Bualu Maweja-Nangila kena musue bintu bia mushindu awu to.

Dielulula 7:25

Nuoshe mpingu ya mvidie yabu yonsu. Kanualakanyi biamu bia mpawungi ne biamu bitoke bia mushinga mukole bidibu balamike ku mpingu aku to. Kamuangatshi to. Bualu Maweja-Nangila udi ukina bintu ebi. Bidi mua kunukebela diakabi.

Dielulula 9:21

Meme kuangata lupingu lua kana ka ngombe ka tshiamu, lunuvua badienzele bua bubi buenu. Meme kulosha mu kapia. Bivua kabiyi bipie, meme kubizaza, kushalabi butu. Meme kuimansha butu abu mu musulu uvua upueka mu mukuna.