Dielulula 7:26 - MUKANDA WA MYIDI MUKULU

²⁶ Kanuteki lupingu nansha lumue luleja mvidie wa mushindu ewu mu nzubu yenu. Nuenu benze nanku, nebanubutule musangu umue ne mpingu ayi. Mpingu ya mushindu ewu idi ne bua kubutuka yonsu. Nuyibenge, nuyimanshe.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kanulu ne tshintu tshidi tshitonda Yehowa mu nsubu muenu bua kufuanangana nʼatshi: nuhidie tshintu atshi, nuikale nʼatshi lukuna; atshi ntshintu tshibihe tshia tshijila.

Dielulula 7:26 ပူးပေါင်းရင်းမြစ်များ

Yeshaya 2:20

Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Yeshaya 41:24

Kadi nudi tuntu tua patupu. Binudi nuenza bidi bia tshianana. Badi banusungula bu mvidie yabu, ndi mbadiwula kashidi.

Yezekiyele 11:18

Panudi nufika mu ditunga amu, nennukandike bibidilu bibi bindi mbenga bia kutendelela mvidie.

Yezekiyele 14:7

“Padi muena Izrayele nansha muenyi udi usomba mu bena Izrayele, umbenga, witaba mvidie udi umufikisha ku bubi, kadi pashishe udi uvua kukonka malu kudi muambi, bua kumanya mudi dijinga dianyi, meme Maweja-Nangila, meme nkayanyi nemmuandamune.

Osheya 14:8

Bantu banyi nebapingane kundi, bua meme kubalama. Nebadime, banowe ntete ya kuenza bukula. Nebalambe bu mionji ya mvinyo. Nebikale ne lumu, bu mudi maluvu mimpe a mu Lebanone.

Zekâya 5:4

Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Rome 2:22

Udi wamba ne: kanuena mua kuenda buendenda. Kadi wewe udi wenda buendenda bua tshinyi? Udi upepeja nwidie, kadi udi wiba bidi mu nzubu ya nwidie bualu kaayi?

Dielulula 13:16

nushipe bantu bonsu ba mu tshimenga atshi ne bimuna biabu. Pashishe nubutule tshimenga atshi tshijima, kabidi ne bionsu bidimu.

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Dielulula 13:18

Kanuena mua kuangata tshintu nansha tshimue tshia bidibu ne bua kuosha, bua Maweja-Nangila Mvidi Mukulu wenu amone mua kutuyisha tshiji tshiende. Diba adi, neanufuile luse. Nenuvulangane, bu muvuaye mulaye bankambua benu.