Dielulula 7:24 - MUKANDA WA MYIDI MUKULU

²⁴ Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye neafile bakelenge babo mu bianza bienu, nuenu nenjimishe mena abo hanshi ha buloba; kakuena muntu umue udi mua kuimana ku mpala kuenu tô ne hanuabashiha bonso.

Dielulula 7:24 ပူးပေါင်းရင်းမြစ်များ

Misambu 9:5

Paudi usomba mu nkuasa webe, udi ulumbuluisha tshilumbu amu pa tshiotshi. Ke muudi mukose nsambu yanyi, mumbingishe.

Ekesode 17:14

Maweja-Nangila kuambila Moshe ne: — Funda bualu ebu mu mukanda, bua bantu babuvuluke. Umanyishe Yoshuwa ne: meme nembutule bena Amaleke bonsu. Muntu nansha umue kakubavuluka kabidi to.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yirmeya 10:11

Nuambile bena Izrayele ne: mvidie eyi yonsu, idi kayiyi mifiike nansha diulu nansha buloba, neyijimine pa buloba. Kayena ne muaba kabidi muinshi mua diulu to.

Sefanya 1:4

“Nennyoke badi basomba mu Yerushalayime, ne bantu bonsu badi mu Yuda. Nengumushe muaba ewu, bionsu biwabu batendelela nabi Baale. Nansha batuangaji ba nwidie ewu, kabena mua kubavuluka kabidi to.

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

1 Korente 15:57

Kadi tudi tuela Mvidi Mukulu tuasakidila, bualu tudi tutshimuine kudi Mfumu wetu Kristu.

Dielulula 11:25

Muntu nansha umue kakukandamana to. Bantu bonsu nebanutshine, bakuatshike bowa miaba yonsu inudi nupitshila, bu muvua Maweja-Nangila munulaye.

Dielulula 25:19

Maweja-Nangila Mvidi Mukulu wenu neanufikishe mu ditunga didiye munupe. Neanupandishe ku baluishi bonsu badi nenu mutumba. Diba adi, nenubutule bena Amaleke, kabayi mua kubavuluka kabidi pa buloba to. Kanuena mua kupua bualu ebu muoyi to!

Dielulula 29:20

Maweja-Nangila neamupeteshe diakabi, amumushe munkatshi mua bena Izrayele, bilondeshile manyoka adibu bafunde mu mukanda wa mikenji ya ndondu ewu.

Dielulula 9:14

Kunkandiki to. Ndekela, mbanyoke. Ndi musue kubabutula, kabayi mua kubatela kabidi pa buloba. Pashishe nenkuambuluishe bua ulele bana ba bungi, benze tshisamba tshinene, tshidi tshipita bena Izrayele ku bukole ne ku bungi!”

Dielulula 9:3

Lelu nenujadike ne: Maweja-Nangila Mvidi Mukulu wenu, udi wenda kumpala kuenu. Yeye udi bu kapia kadi kabutula bintu bionsu. Nanku Maweja-Nangila neabipate. Nenubatshimune lukasa, mubabutule bonsu, mbanyenge bintu biabu, bu muvua Maweja-Nangila mulaye.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 10:23

Bena Izrayele kukumbaja bionsu abi. Kumutuadilabu mukalenga wa mu Yerushalayime, wa mu Ebrone, wa mu Yarmute, wa mu Lakishe, ne wa mu Eglone.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Yoshua 10:8

Maweja-Nangila kuambila Yoshuwa ne: — Kubatshinyi to. Ndi mbafila kuudi. Muntu nansha umue kakukupita bukole to.

Yoshua 11:17

Yoshuwa kutshimuna, kushipa bakalenga ba matunga awa pankatshi pa mukuna kauyi ne mitshi, pabuipi ne Seyire, kuinshi mu ditunga, ne Baale-Ngade mu tshibandabanda tshia Lebanone, ku tshitaku tshia mukuna wa Ermone, ku mutu mu ditunga.

Yoshua 12:24

ne Tirsa. Bakalenga bonsu aba bavua makumi asatu ne umue.

Yoshua 21:44

Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Yoshua 23:3

Nuvua badimuene bionsu bivua Maweja-Nangila Mvidi Mukulu wenu muenzele bisamba bivua mu ditunga edi, bualu buenu. Maweja-Nangila uvua ku luseke luenu, unuluila mvita.

Yoshua 23:9

Maweja-Nangila mmumane kunuipatshila bisamba bivua kumpala kuenu, bisamba binene, bivua kabidi ne bantu ba bukole. Nanku too ne mpindiewu, kakuena muntu nansha umue uvua mua kunupita bukole to.

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.