Dielulula 7:17 - MUKANDA WA MYIDI MUKULU

¹⁷ Misangu mikuabu nudi nuela meji ne: “Bisamba abi mbitupite bukole! Katuena ne mushindu wa kubinyenga bidibu nabi to!”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Binuamba mu mitshima yenu ne, Bisamba ebi bidi bituhita bunene, nembihate munyi?

Dielulula 7:17 ပူးပေါင်းရင်းမြစ်များ

Yeshaya 14:13

Uvua uditambisha ne: “Netubande too ne mu diulu. Nembandishe nkuasa wanyi, kulu kua mitotu ya Mvidi Mukulu. Nensombe pa mukuna, padi mvidie isomba, yela tshipangu tshiayi, ku luseke lua ku mutu kua ditunga.

Yeshaya 47:8

Nenku teleja mpindiewu, wewe mulunda wa masanka, udi musombe talalaa kuyi ne bualu. Wewe udi udiambila munda ne: “Meme tshiena ne undi mfuanangana nende! Tshiakuikala mukaji mukamba to. Tshiakufuisha bana banyi to.”

Yeshaya 49:21

Nenku neudikonke ne: “Udi mumpe bana bonsu aba nnganyi? Nkavua mushale patupu, tshiyi mmona bana banyi. Tshivua mutekemene kupeta bakuabu. Bavua bangipata, bantuma kua bende. Kadi aba, uvua ubakolesha nnganyi? Mvua mushale nkayanyi. Kadi aba mbafume penyi?”

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Dibadika 13:32

Nanku batentekedi abu kubipisha ditunga dia Kenaane, bamba ne: — Mu Kenaane bantu benyi kabena mua kusombamu to. Nebafue amu kufua. Kabidi bantu bonsu badimu mbantu bale!

Dibadika 21:34

Maweja-Nangila kuambila Moshe ne: — Kutshinyi mukalenga ewu to. Nenkuambuluishe bua umutshimune, umunyenge ditunga edi dijima. Umuenzele muuvua muenzele Sihone, mukalenga wa bena Amore, uvua musombe mu tshimenga tshia Eshebone.

Dibadika 33:53

Nukuate ditunga diabu, nusombemu. Ditunga nedishale dienu, bualu ndi mumane kunupeshadi.

Luke 9:47

Yezu kumanya mpata ivuabu bela. Nanku kuangataye muana, kumuimanyika pabuipi nende,

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Dielulula 18:21

Misangu mikuabu nudi mua kudikonka ne: Mmushindu kayi utudi mua kumanya ne: bualu ebu kabuena bufuma kudi Maweja-Nangila?

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

Yoshua 23:3

Nuvua badimuene bionsu bivua Maweja-Nangila Mvidi Mukulu wenu muenzele bisamba bivua mu ditunga edi, bualu buenu. Maweja-Nangila uvua ku luseke luenu, unuluila mvita.