Dielulula 7:13 - MUKANDA WA MYIDI MUKULU

¹³ Nanku panuafika mu ditunga didi Maweja-Nangila munupe, divuaye mulaye bankambua benu, bu mudiye mununange, Yeye neanusankishe. Nenulele bana ba bungi. Nenuikale ne bintu bipite bungi: ntete ya kuenza bukula, mvinyo, mafuta, ngombe, mikoku ne mbuji.

Mukanda wa Nzambi Dihungila Dikulukulu ne Dihungila Dihia-dihia 2003

¹³ yeye neanusue, neanusankishe, neanuvudishe, yeye neasankishe bana benu kabidi, ne bintu bidi bidiunda mu buloba buebe, midioko yenu, ne nvinyo yenu mihia-mihia, ne manyi enu ne bana ba ngombe yenu ne bana ba mikoko yenu, mu buloba buakalayeye batatu benu bua kunuhabu.

Dielulula 7:13 ပူးပေါင်းရင်းမြစ်များ

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Yobe 1:10

Wewe udi mumulame bimpe, ne diku diende ne bintu biende bionsu. Udi mumututshishe dikasa dimpe mu bintu biende bionsu. Bimuna biende mbitangidika ditunga dijima.

Yobe 42:12

Maweja-Nangila kuela Yobe lupemba, kupitaye ne muvuaye kale. Yobe kupeta mikoku binunu dikumi ne binayi, tumelu binunu bisambombu, ngombe milume ne mikaji tshinunu ne mpunde mikaji tshinunu.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

Misambu 107:38

Maweja-Nangila udi ubela lupemba, udi ubavudija ba bungi, kena ukepesha bimuna biabu nansha.

Misambu 11:7

Bualu Maweja-Nangila udi muena buakane, udi unanga bantu badi benza bimpe. Bantu badi bamulamata, nebasombe pabuipi nende.

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Misambu 146:8

Maweja-Nangila udi utabaja mpofu, ubandulula badi biname, munange badi bamulamata.

Ekesode 23:25

Nuntendelele anu meme Maweja-Nangila Mvidi Mukulu wenu. Nanku nennuele lupemba, nenupete bia kudia ne mayi a kunua. Nennumbushile masama adi mua kunutatshisha.

Nsumuinu 10:22

Kabiena kuluila. Maweja-Nangila nkayende ngubipapa bantu.

Nsumuinu 15:9

Maweja-Nangila udi udiwula nsombelu ya bantu babi. Kadi udi unanga badi balonda njila ya buakane.

Lewitiki 26:9

Nennutabalele bua nutante, nulele bana ba bungi. Nendame ndondu ituvua batua nenu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Yowanane 14:21

Muntu udi ulama mikenji yanyi, uyitumikila, ke udi munnange. Muntu udi munnange, Tatu wanyi neamunange. Meme kabidi nemmunange, nendileje kudiye.

Yowanane 15:10

Panudi nutumikila mikenji yanyi, nenushale mu dinanga dianyi, mumvua mutumikile mikenji ya Tatu, nshala mu dinanga diende.

Yowanane 16:27

Bualu Tatu yeye nkayende udi mununange. Udi mununange, bualu nudi bannange, bitabe kabidi ne: ndi mufume kudi Mvidi Mukulu.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Dielulula 28:1

Nuenu bitabe Maweja-Nangila Mvidi Mukulu wenu, bakumbaje bimpe mikenji yende yonsu indi nnumanyisha lelu eyi, nenuikale bena diakalenga bapite bisamba bionsu bia pa buloba.

Dielulula 28:11

Panuafika mu ditunga divua Maweja-Nangila mulaye bankambua benu bua kunupesha, nenulele bana ba bungi. Bimuna bienu nebivulangane. Kabidi nenuikale ne biakudia bipite bungi.

Dielulula 30:5

bua kunupingaja mu ditunga dia bankambua benu. Nenusombemu. Maweja-Nangila neanuenzele bimpe bipite bivuaye muenzele bankambua benu. Nenubapite ku bungi.

Dielulula 7:7

Maweja-Nangila mmununange, munusungule, ki mbua ne: nudi nupita bisamba bionsu ku bungi to. Nudi bakese, bashadile kudi bisamba bikuabu.