Dielulula 7:1 - MUKANDA WA MYIDI MUKULU

¹ Maweja-Nangila Mvidi Mukulu wenu, neanufikishe mu ditunga dinudi ne bua kukuata. Neanuipatshile bisamba ebi muanda mutekete: bena Iti, bena Ngirgashi, bena Amore, bena Kenaane, bena Perizi, bena Ivi ne bena Yebusa, bidi binupita bungi ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹ Halua Yehowa nʼenu mu buloba bunudi nuya bua kubuhiana, hanuihatshileye bisamba bia bungi ku mpala kuenu, Bena Hiti ne Bena Gîgashi ne Bena Amole ne Bena Kanâna ne Bena Pelizi ne Bena Hiwi ne Bena Yebuse, bisamba muanda mutekete bidi binuhita bunene ne bukole;

Dielulula 7:1 ပူးပေါင်းရင်းမြစ်များ

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Kulondolola 1:14

Kenaane uvua nkambua wa bena Yebusa, bena Amore, bena Ngirgashi,

2 Kulondolola 8:7

Mu ditunga amu mutshivua bantu ba bisamba bikuabu: Ke bena Iti, bena Amore, bena Perizi, bena Ivi ne bena Yebusa, mmumue ne bantu bonsu bavua kabayi bena Izrayele to.

Ezela 9:1

Malu awu mamane kupita, bamfumu bakuabu ba bena Izrayele kufika, bangambila ne: — Nansha bantu ba patupu, nansha batuangaji ne bena Levi, kabena bashiyangane ne bena ditunga to. Badi batendelela mvidie ya tshianana, badi balonda bibidilu bibi bia bena Kenaane, bena Iti, bena Perizi, bena Yebusa, bena Amone, bena Mowabe, bena Ejipitu ne bena Amore.

Nehemya 13:23

Mu tshikondu atshi kabidi, mvua mumone muvua bena Yuda basela bakaji ba bena Asdode, bena Amone nansha bena Mowabe.

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Ekesode 15:7

Bukole buebe mbupite. Budi butshimuna badi bakubenga. Tshiji tshiebe tshidi tshibosha, bu mudi kapia kosha bisosa.

Ekesode 23:28

Nentume tshipupu tshia tuishi bua kunyemesha bena Ivi, bena Kenaane ne bena Iti kanuyi banji kufika.

Ekesode 23:32

Kanumvuanganyi ne bena matunga abu. Kanutendeledi mvidie idibu batendelela.

Ekesode 23:33

Kanusombi nabu ditunga dimue, bualu badi mua kunulongesha bua nuenu kuntombokela, kutendelela mvidie yabu.”

Ekesode 33:2

Nanku, nentume mutumibue wanyi bua kunulama. Nennuipatshile bena Kenaane, bena Amore, bena Iti, bena Perizi, bena Ivi ne bena Yebusa.

Ekesode 6:8

Nennufile mu ditunga dimvua mulaye Abrahame, Izake ne Yakobe. Ditunga adi nedishale bupianyi buenu. Meme Maweja-Nangila ndi njadika bualu ebu.”

Lewitiki 14:34

“Panuikala bafike mu ditunga dia Kenaane dindi munupeshe, pandi mmuenesha butu mu nzubu wa muntu mu ditunga adi dipiadipia,

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dibadika 14:31

Kadi bana benu batekete banuvua nuelela meji ne: nebashale bapika, nembafikishe mu ditunga dia Kenaane, dinudi nubenga. Bobu nebadimanye.

Bienzedi 13:19

Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

Dielulula 11:29

Pikala Maweja-Nangila Mvidi Mukulu wenu munufikishe mu ditunga dinuakuata, nenujingile bantu diakalenga ku lusongu lua mukuna wa Ngarizime. Nenubajingile diakabi ku lusongu lua mukuna wa Ebale.

Dielulula 20:1

Nuenu baye kuluangana mvita ne bantu badi ne tubalu, kabidi ne matempu a mvita, nansha ne baluishi bapite bena mvita benu ku bungi, kanubatshinyi to. Bualu Maweja-Nangila Mvidi Mukulu wenu, uvua munupatule mu Ejipitu, udi munkathi muenu.

Dielulula 20:16

Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.

Dielulula 31:20

Nanku meme nemfikishe bena Izrayele mu ditunga didi ne biakudia bia bungi, dimvua mulaye bankambua babu, bua badie batshionkomoka. Nebikalemu ne disanka. Kadi nebampeje, nebatendelele mvidie ya bantu benyi. Nebanyangakaje ndondu umvua mutue nabu.

Dielulula 31:3

Maweja-Nangila Mvidi Mukulu wenu nkayende, neende kumpala kuenu. Neabutule bonsu badi base dishiya dia Yardene, bua nukuate ditunga adi. Yoshuwa neikale mfumuenu, bu muvua Maweja-Nangila mumane kuamba.

Dielulula 4:38

Mpindiewu, Maweja-Nangila neanutshimuine bisamba bionsu binudi nabi mutumba, bidi binupita ku bukole ne ku bungi. Yeye neanufikishe mu ditunga adi bua dishale bumpianyi buenu.

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Dielulula 6:10

Panuafika mu ditunga, didi Maweja-Nangila Mvidi Mukulu wenu unupesha, nuwuaye mulaye bankambua benu, Abrahame, Izake ne Yakobe, nenusangane bimenga bimpe, binene, binuvua kanuyi bibake to.

Dielulula 6:19

Nenuipatemu baluishi benu, bu muvua Maweja-Nangila mumane kuamba.

Dielulula 6:23

Kutupatulaye mu Ejipitu bua kutufikisha mu ditunga edi, divuaye musue kutupa, bu nuwuaye mulaye bankambua betu.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Dielulula 9:3

Lelu nenujadike ne: Maweja-Nangila Mvidi Mukulu wenu, udi wenda kumpala kuenu. Yeye udi bu kapia kadi kabutula bintu bionsu. Nanku Maweja-Nangila neabipate. Nenubatshimune lukasa, mubabutule bonsu, mbanyenge bintu biabu, bu muvua Maweja-Nangila mulaye.

Dielulula 9:4

Maweja-Nangila Mvidi Mukulu wenu mumane kuipata bantu aba, kumpala kuenu, kanuditambishi ne: “Maweja-Nangila mmutupe ditunga edi, bualu tudi bantu ba nsongu.” Kadi numanyene: Maweja-Nangila mmuipate bantu aba kumpala kuenu, bualu mbena buenzayi.

Yoshua 11:3

Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Yoshua 24:11

Nuenu kusabuka Yardene, kufika mu tshimenga tshia Yeriko. Bena mu Yeriko kunuluisha. Bavua banuluisha kabidi kudi bena Amore, bena Perizi, bena Kenaane, bena Iti, bena Ngirgashi, bena Ivi, ne bena Yebusa. Meme kubafila bonsu mu bianza bienu.

Yoshua 3:10

Nenujadike ne: Mvidi Mukulu wa muoyi udi munkatshi muenu. Yeye neipate bantu badi kumpala kuenu: bena Kenaane, bena Iti, bena Ivi, bena Perizi, bena Ngirgashi, bena Amore ne bena Yebusa.