Dielulula 5:29 - MUKANDA WA MYIDI MUKULU

²⁹ Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ O, nakadi kusua bua mutshima eu wikale munda muabo, bua kuntshina ne bua kuenza mikenji yanyi yonso matuku onso, ne bobo bikale ne dikasa dimpe, ne bana babo badi balonda ku nyima tshiendelele!

Dielulula 5:29 ပူးပေါင်းရင်းမြစ်များ

1 Kulondolola 29:18

Maweja-Nangila, Mvidi Mukulu wa bankambua betu, Abrahame, Izake ne Yakobe, anyisha bua bantu bebe balame muoyi wa mushindu ewu munda muabu matuku onsu, batume meji abu kuudi kashidi.

Misambu 106:3

Badi bakosa nsambu biakane, ne badi benza malu makane misangu yonsu badi ne disanka.

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

Misambu 19:12

Maweja-Nangila, ndi muena mudimu webe. Mikenji yebe idi imbela, kuyilonda nkupeta diakalenga.

Misambu 78:7

Bua bana batekemene kudi Mvidi Mukulu, kabayi bapua muoyi bidiye mubenzele, ne bua balame meyi ende.

Misambu 81:16

Pashishe baluishi ba Maweja-Nangila, nebalekele ditambisha diabu, bena Izrayele nebasombe talalaa too ne tshiendelele.

Yeshaya 3:10

Vulukayi ne: diakalenga ndia bantu badi bitaba Mvidi Mukulu, bualu bidibu benze nebibapeteshe tshipeta tshimpe.

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

Yirmeya 42:6

Tudi bakulombe bua umonangane ne Maweja-Nangila Mvidi Mukulu wetu. Nanku netuitabe tshionsu tshiatuenzelaye, nansha tshiotshi tshitusankisha, nansha katshiyi tshitusankisha. Nanku netupete anu dikasa dimpe, bualu netutumikile Maweja-Nangila Mvidi Mukulu wetu.

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Luke 11:28

Kadi Yezu kumuandamuna ne: — To! Badi bateleja muaku wa Mvidi Mukulu, baukumbaja, ke bena diakalenga!

Luke 19:42

wamba ne: — Bu wewe mua kujingulula bidi mua kukupetesha ditalala! Kadi mpindiewu malu onsu aa mbakusokokewu. Kuena mua kuamona!

Yowanane 15:14

Nudi balunda banyi, panudi nuenza mundi munuelele mukenji.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Efeze 6:3

“Neikale ne diakalenga. Neashale matuku a bungi pa buloba.”

Dielulula 10:12

Bena Izrayele, tshidi Maweja-Nangila Mvidi Mukulu wenu utekemena kunudi ntshinyi? Mbua numunemeke, numutumikile, mununange, numuenzele mudimu ne muoyi wenu mujima, kabidi ne bukole buenu buonsu.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 11:1

Nunange Maweja-Nangila Mvidi Mukulu wenu, numuenzele mudimu, nukumbaje meyi ne mikenji yende.

Dielulula 12:25

Nuenu benze nanku, nenuikale bena diakalenga, nuenu pamue ne ndelanganyi yenu, bualu binudi nuenza nebilengelele Maweja-Nangila.

Dielulula 12:28

Nuenu bena Izrayele nuteleje bionsu bindi nnuambila, nubikumbaje. Nanku, misangu yonsu nenuikale bena diakalenga, nuenu ne ndelanganyi yenu. Bualu nenuenze bidi bimpe, bisankisha Maweja-Nangila Mvidi Mukulu wenu.

Dielulula 19:13

Bua nuenu kusomba biakane mu ditunga dienu, ne kujikija buenzayi bua kushipa muntu udi kayi ne bualu, kanuena mua kufuila muena tshibawu luse to, numushipe!

Dielulula 22:7

Nulekele nyunyi awu aye. Nuambule amu bana bende. Nanku nenuikale bena diakalenga, nushale ne muoyi panu matuku a bungi.

Dielulula 4:10

Vulukayi dituku dinuvua ku mukuna wa Sinayi, kumpala kua Maweja-Nangila Mvidi Mukulu wenu. Yeye uvua mungambile ne: “Sangisha bena Izrayele bonsu. Ndi musue kubamanyisha mikenji yanyi, bua bayilonde, bannemeke patshidibu ne muoyi. Nebayilongeshe kabidi ndelanganyi yabu.”

Dielulula 4:2

Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.

Dielulula 4:40

Nuenu ne ndelanganyi yenu, nukumbaje meyi ne mikenji bia Maweja-Nangila Mvidi Mukulu wenu, bindi munumanyishe lelu. Nanku nenuikale bena diakalenga. Nenushale ne muoyi matuku mavule mu ditunga didiye munupe kashidi.

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Dielulula 5:30

Ubambile bapingane ku nzubu yabu ya ntenta.

Dielulula 5:33

Nuitabe bionsu bidi Maweja-Nangila wenu munuambile, bua nuikale bena diakalenga, nushale ne muoyi matuku a bungi mu ditunga didiye unupesha.

Dielulula 6:17

Nuitabe ku meyi, nukumbaje mikenji yende, bivuaye munuambile.

Dielulula 6:18

Nusankishe Maweja-Nangila, nuenze bidi bimulengelela. Nanku nenuikale bena diakalenga, nenukuate ditunga dimpe, divua Maweja-Nangila mulaye bankambua benu.

Dielulula 6:3

Nuenu bena Izrayele, nulame mikenji eyi bimpe, nuyikumbaje. Neyinupeteshe diakalenga. Nenutante mu ditunga didi ne biakudia bia bungi, bu muvua Maweja-Nangila Mvidi Mukulu wa bankambua benu munulaye.

Dielulula 8:6

Nutumikile mikenji ya Maweja-Nangila Mvidi Mukulu wenu, numunemeke, nuenze mudiye musue.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

Rute 3:1

Dituku dikuabu, Nowemi kuambila Rute ne: — Mukaji wa muananyi, mbimpe nkukebele mulume udi mua kukupiana, bua upete pebe muaba muimpe wa kusomba.