Dielulula 5:24 - MUKANDA WA MYIDI MUKULU

²⁴ bamba ne: “Maweja-Nangila Mvidi Mukulu wetu, mmumane kutuleja butumbi ne bukole buende. Lelu tuakumumvua wakula munkatshi mua kapia. Nanku tuetu tudi bajadike ne: Mvidi Mukulu udi mua kuakula ne bantu, kabayi bafua to.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ nuakamba ne, Tangila, Yehowa, Nzambi wetu, wakafuisha butumbi buandi ne bunene buandi, tuakulua dî diandi munkatshi mua kahia: tuakatangila lelu ne Nzambi udi usomba ne muntu, ne yeye udi wikala ne muoyo.

Dielulula 5:24 ပူးပေါင်းရင်းမြစ်များ

Genese 32:30

Yakobe kumuebeja ne: — Kadi wewe mene, dina diebe nnganyi? Kampande awu kumuandamuna ne: — Udi musue kumanya dina dianyi bua tshinyi? Pashishe kuelaye Yakobe lupemba.

Genese 32:31

Yakobe kuamba ne: — Ndi nginyika muaba ewu dina ne: Penuyele, mpala wa Mvidi Mukulu, bualu ndi mumonangane ne Mvidi Mukulu mpala ne mpala, meme kushala ne muoyi.

Ekesode 19:19

Miadi ya mpungi kuumvuika bikole ku mukuna. Moshe uvua uyukila ne Mvidi Mukulu, Mvidi Mukulu umuandamuna ne diyi bu dia dikubakuba dia mvula.

Ekesode 20:22

Nanku, Maweja-Nangila kutuma Moshe kabidi bua kuambila bena Izrayele ne: — Nuadimuenyi nkayenu mundi nyukila nenu, meme muikale mulu.

Ekesode 33:20

Maweja-Nangila kumujadikila ne: — Kuena mua kumona mpala wanyi to, bualu muntu kena mua kumona mpala wanyi, kushala kabidi ne muoyi to.

Dibadika 14:14

Bena Ejipitu mbamane kulondela bena Kenaane malu aa. Nanku bena Kenaane mbamane kumvua muudi wewe Maweja-Nangila wenda ne tshisamba tshiebe tshia bena Izrayele, umonangana nabu mpala ne mpala. Badi bamanye muudi ubalama, bualu mu munya udi wenda kumpala kuabu mu divuba, butuku mu tshimunyi tshia kapia.

Dielulula 32:3

Ndi ntumbisha dina dia Maweja-Nangila. Bena Izrayele, samunayi Mvidi Mukulu wetu.

Dielulula 4:33

Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Dielulula 5:23

Nuenu bumvue diyi adi mu midima ivua ku mukuna utema kapia, bamfumu ne balombodi ba bisamba bienu bia bena Izrayele, kufika kundi,

Dielulula 5:25

Kadi katukebi njiwu ya lufu. Bualu kapia aka ka tshinyangu kadi mua kutubutula. Tudi bajadike ne: tuetu bumvue kabidi diyi edi, tudi tufua.

Balombodi 13:22

Manowa kuambila mukajende ne: — Bulelela netufue, bualu tudi bamone Mvidi Mukulu.