Dielulula 5:22 - MUKANDA WA MYIDI MUKULU

²² Mikenji eyi, ke ivua Maweja-Nangila muakule ne diyi dikole, wambila bena Izrayele ku mukuna wa Sinayi. Uvua ubamanyishayi munkatshi mua kapia ne divuba dia muinshi. Uvua muyifunde pa mabue abidi, avuaye mumpeshe meme Moshe, kayi musakidileku mikenji mikuabu to.

Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa wakambila tshisumbu tshienu tshionso mei â ku mukuna munkatshi mua kahia, mu difutu dinene, ne mu midima mikole ne dî dikole; kena usangisha mei makuabo ha mutu. Yeye wakafunda ha mabue abidi, wakampau.

Dielulula 5:22 ပူးပေါင်းရင်းမြစ်များ

2 Bakalenga 17:37

Matuku onsu, nutumikile meyi anyi, mikandu yanyi, ne mikenji yanyi yonsu imvua munufundile nuenu nkayenu, nangananga kanuena mua kutendelela mvidie mikuabu to.

Ekesode 20:21

Bantu bonsu bavua bimanyine pa bule. Anu Moshe nkayende ke uvua musemene pabuipi ne divuba difike, muaba uvua Mvidi Mukulu.

Ekesode 24:12

Maweja-Nangila kuambila Moshe ne: — Banda ku mukuna kundi eku usombaku. Nenkupeshe mabue adi ne mikenji indi mufunde bua uyilongeshe bantu.

Ekesode 31:18

Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Dielulula 4:33

Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Dielulula 5:23

Nuenu bumvue diyi adi mu midima ivua ku mukuna utema kapia, bamfumu ne balombodi ba bisamba bienu bia bena Izrayele, kufika kundi,

Dielulula 5:4

Nanku Maweja-Nangila uvua wakula, mutangilangane nenu, ku mukuna, munkatshi mua kapia.

Ebrewu 12:18

Nuenu kanuena basemena bu bena Izrayele pabuipi ne mukuna udibu mua kulenga. Kanuena bamone kapia kakole, bufike ne miidima, tshipepele tshikole.