Dielulula 5:21 - MUKANDA WA MYIDI MUKULU

²¹ “Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

Mukanda wa Nzambi Dihungila Dikulukulu ne Dihungila Dihia-dihia 2003

²¹ Kukumi mutshima webe ku mukashi wa mukuenu, anyi ku nsubu wa mukuenu, anyi ku budimi buandi, anyi ku muhika wandi mulume anyi ku muhika wandi mukashi, anyi ku ngombe wandi anyi ku mpunda wandi anyi ku tshintu tshionso tshia mukuenu.

Dielulula 5:21 ပူးပေါင်းရင်းမြစ်များ

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

Yobe 31:9

Pangikala mualakane mukaji wa muena mutumba, mumutentekela, nansha musokome pambelu ku tshiibi tshiende,

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Nsumuinu 6:25

Kualakanyi buimpe bua mukaji wa bende. Mesu adiye ukulenguila, kaakulobeshi.

Mika 2:2

Padibu bajinga madimi a bende, badi baangata ku bukole. Padibu balakana nzubu ya bakuabu, badi bayinyenga bantu ku bukole. Badi biba bintu bia muntu, ne bia bena diku diabu, banyenga bantu maloba abu.

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Rome 13:9

Bualu mikenji ya ne: “Kuendi buendenda, kushipi muntu, kuibi, kualakanyi tshintu tshia mukuenu,” ne mikuabu yonsu idi nudisange mu mukenji umuepele udi wamba ne: “Nanga mukuenu, muudi udinanga.”

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”