Dielulula 5:14 - MUKANDA WA MYIDI MUKULU

¹⁴ Dituku dia muanda mutekete ndia Dikisha, dia kunnemeka anu meme, Maweja-Nangila Mvidi Mukulu wenu. Nanku, nuenu bena Izrayele, bana benu, ngombe yenu, mpunde yenu, bimuna bienu bikuabu, nansha benyi badi ku mbelu yenu, kanuenji mudimu dituku adi. Too ne bena mudimu benu, balume ne bakaji, badi ne bua kuikisha, bu munudi nuikisha nuenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi dituku dia muanda mutekete didi Lumingu lua Yehowa, Nzambi webe: dituku adi kuenji mudimu, nansha wewe nansha muanʼebe mulume nansha muanʼebe mukashi, nansha muhika webe mulume nansha muhika webe mukashi, nansha ngombe webe, nansha mpunda webe, nansha bimuna biebe, nansha muenyi udi ku mbelu kuebe; bualu bua muhika webe mulume ne muhika webe mukashi nebikishe bu wewe mene.

Dielulula 5:14 ပူးပေါင်းရင်းမြစ်များ

Genese 2:2

Mvidi Mukulu mumane kujikija mudimu uvuaye muenze, kuikishaye dituku dia muanda muteketa.

Nehemya 13:15

Matuku awu, meme kumona mu ditunga dia bena Yuda, bakama tumuma tua mvinyo dituku dia Dikisha. Bakuabu bavua bame pa nyama ya mpunde ntete ya kuenza bukula, maluvu a mvinyo, tumuma tua mvinyo, tumuma tua mfiku, ne bintu bikuabu, bua kuya nabi mu Yerushalayime. Meme kubabela, dituku divuabu bapana bintu biabu.

Nehemya 13:16

Kabidi bena Tire bavua basombe mu Yerushalayime, bavua bafike ne minyinyi ya mu mayi, ne biakudia bikuabu, bua kubisumbisha bena Yerushalayime ne bena Yuda dituku dia Dikisha.

Nehemya 13:21

Meme kubatandisha, kubambila ne: — Nudi basombe ku mbelu ku bimana bia tshimenga bua tshinyi? Nuenu benza kabidi nanku, ndi nnuelesha mu lukanu. Kutuadija musangu awu, kabavua bafika kabidi dituku dia Dikisha.

Nehemya 5:5

Kadi tudi bantu ba tshisamba tshimue! Bana betu kabena bashilangane ne bana ba bena Yuda bakuabu to. Kadi tuetu tudi ne bua kufila bana betu mu bupika. Bana betu ba bakaji bakadi mene bamane kubuelamu. Katuena ne tshitadi mua kuenza kabidi to. Bualu madimi etu, ne mionji yetu ya mvinyo, mbamane kubiangata.”

Ekesode 23:12

“Nuenze midimu yenu matuku asambombu. Kadi nuikishe dituku dia muanda mutekete, bua bapika benu ne benyi benu badi banukuatshila mudimu bamone mua kuikisha, kabidi bua nyama yenu ya mpunde ne ya ngombe imone mua kuikisha payi.

Lewitiki 23:3

“Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Marke 2:27

Yezu kubambila kabidi ne: — Dituku dia Dikisha, ndienzela muntu. Kadi muntu ki mmuenzela dituku dia Dikisha to.

Luke 23:56

Pashishe kupinganabu kuabu. Kulongololabu mafuta ne manananshi bua kulaaba tshitalu. Dituku dia Dikisha, bakaji abu kuikisha, bilondeshile mikenji ya ditunga.

Dielulula 5:13

Nuenze midimu yonsu amu matuku asambombu, nuyijikije.

Ebrewu 4:4

Bualu mu Mukanda wa tshijila, kaba kakuabu, bua dituku dia muanda mutekete, badi bamba ne: “Mvidi Mukulu kujikija mudimu onsu, kuikisha dituku dia muanda mutekete.”