Dielulula 4:12 - MUKANDA WA MYIDI MUKULU

¹² Nuenu kumvua diyi dia Maweja-Nangila, wakula nenu munkatshi mua kapia, kadi kanuyi numumona to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa wakanuambila mei munkatshi mua kahia: nuenu nuakulua mei kadi kanuakatangila muntu; nuakunvua anu dî dia muntu.

Dielulula 4:12 ပူးပေါင်းရင်းမြစ်များ

Ekesode 19:9

Maweja-Nangila kuambila Moshe ne: — Ndi mpueka musokome mu divuba bua kuyukila nebe, bua, padi bantu bumvue mutudi tuyukila nebe, bakuitabe. Moshe kufikisha bivua bantu bandamune kudi Maweja-Nangila.

Ekesode 20:22

Nanku, Maweja-Nangila kutuma Moshe kabidi bua kuambila bena Izrayele ne: — Nuadimuenyi nkayenu mundi nyukila nenu, meme muikale mulu.

Yeshaya 30:21

Panuakeba kuya, ku dia balume nansha ku dia bakaji, nenumvue miaku eyi ifumina kunyima kuenu, yamba ne: “Ke njila unudi ne bua kulonda ewu.”

Yeshaya 40:18

Nudi basue kuteka Mvidi Mukulu mulongu umue ne nganyi? Nenumufuanyikije ne tshinyi?

Yeshaya 40:3

Ndi mumvue diyi diamba ne: “Pandilayi Maweja-Nangila njila mu tshipela. Lulamijila Mvidi Mukulu njila mu buloba ebu buatuke.

Yeshaya 40:6

Diyi didi diamba ne: “Ambila bantu malu!” Meme kuebeja ne: “Mbambile tshinyi?” “Bantu bonsu badi bapita lukasa bu bisosa. Nansha bobu ne bukole, badi bashala nabu katupa, bu tshilongu tshia mu budimi.

Dibadika 12:8

Ndi ngakula nende mudi bantu bayukidilangana, mmuambile malu onsu patoke, ndileja kudiye. Yeye udi umona tshimfuanyi tshianyi. Kadi nuvua nukimina kujana muntu wanyi Moshe bua tshinyi?

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Matayi 3:3

Yowanane ke muntu uvuabu batele kudi muambi Yeshaya ne: “Ndi ngumvua diyi dia muntu, wela lubila mu tshipela ne: Longoluelayi Maweja-Nangila njila, numuenzele njila milulame!

Dielulula 10:4

Maweja-Nangila kufundulula mikenji dikumi pa mabue mapiamapia, bu muvuaye mufunde pa mabue a kumpala. Mikenji eyi, ke ivuaye munumanyishe munkatshi mua kapia, dituku dinuvua basangile kuinshi kua mukuna. Pashishe kumpeshaye mabue awu.

Dielulula 4:11

Nuenu kusemena kuinshi kua mukuna. Ke kuvua ndimi ya kapia ilakuka, iya mulu, yenza mavuba a muinshi mufike.

Dielulula 4:13

Kunumanyishaye ndondu wenu nende. Uvua munuambile bua nunemeke ndondu, nukumbaje mikenji dikumi ivuaye mufunde pa mabue abidi.

Dielulula 4:15

Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.

Dielulula 4:33

Ku bisamba bikuabu bionsu, kudi tshisamba tshidi ne mvidie, wakula natshi munkatshi mua kapia, bu mudi Maweja-Nangila wakula nenu, nuenu kushala ne muoyi anyi?

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Dielulula 5:22

Mikenji eyi, ke ivua Maweja-Nangila muakule ne diyi dikole, wambila bena Izrayele ku mukuna wa Sinayi. Uvua ubamanyishayi munkatshi mua kapia ne divuba dia muinshi. Uvua muyifunde pa mabue abidi, avuaye mumpeshe meme Moshe, kayi musakidileku mikenji mikuabu to.

Dielulula 5:4

Nanku Maweja-Nangila uvua wakula, mutangilangane nenu, ku mukuna, munkatshi mua kapia.

Dielulula 9:10

Mvidi Mukulu Maweja-Nangila kumpesha mabue abidi, avuaye mufunde nkayende mikenji yonsu. Ke mikenji iwaye munumanyishe munkatshi mua kapia, panuvua kuinshi kua mukuna.

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

Ebrewu 12:19

Kanuena bumvue muadi wa mpungi nansha tshiona tshia diyi. Pavua bena Izrayele bumvua diyi edi, bavua balomba bua kababambidi kabidi malu.