Dielulula 32:41 - MUKANDA WA MYIDI MUKULU

⁴¹ Ndi nnona muele wanyi wa mvita, ndi ndumbuluisha bantu, mbanyoka. Ndi musue kusombuela baluishi banyi, kufuta bonsu badi bankina.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Binatuisha muele wanyi wa nvita, ne bingolola tshianza tshianyi bua kulumbulula bilumbu, meme nensombuele badi nʼanyi lukuna, neafute badi nʼanyi tshiji.

Dielulula 32:41 ပူးပေါင်းရင်းမြစ်များ

Misambu 149:9

Babalumbuluishe mu dina dia Mvidi Mukulu, babakosele tshibawu pa tshiotshi. Badi balamata Maweja-Nangila bonsu bikale ne lumu. Tumbishayi Maweja-Nangila, Aleluya!

Misambu 31:23

Mvua ndubakana, ngamba ne: “Maweja-Nangila katshiena umvuluka kabidi!” Kadi meme kukusengelela, wewe kungitaba, kungambuluisha.

Misambu 7:12

Mvidi Mukulu udi mukoshi muakane wa nsambu. Dituku dionsu udi unyoka badi benza malu mabi.

Misambu 7:13

Padi muluishi kayi udilengeja, udi unona muele wende wa mvita. unana buta buende, uludikila.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Yeshaya 59:18

Neafute bantu bilondeshile malu avuabu benze. Neatekele bena lukuna bende bonsu tshiji tshikole. Neabanyoke nansha bobu base kule.

Yeshaya 66:16

Ku kapia ne ku muele wa mvita, ke kudi Maweja-Nangila ukosela nsambu mu bukua bantu. Bantu nebafue bapite bungi.

Yeshaya 66:6

Telejayi amu mutoyi udi mu tshimenga, mutoyi udi mu nzubu wa Mvidi Mukulu. Ke Maweja-Nangila udi unyoka baluishi bende, bua malu abu mabi.

Yirmeya 44:26

Kadi diba adi, nuteleje bimpe tshindi nnuambila. Meme Maweja-Nangila ndi nnuambila bualu. Ndi nditshipa mu dina dianyi dialumu ne: Muena Yuda nansha umue kena mua kuditshipa, utela dina dianyi mu ditunga dia Ejipitu nansha. Kena mua kuamba kabidi ne: ‘Bu mudi Maweja-Nangila Mvidi Mukulu ne muoyi…’

Yirmeya 50:18

Nanku Maweja-Nangila wa bukole buonsu udi wamba ne: “Nennyoke mukalenga wa bena Babilone ne ditunga diende, bu mumvua munyoke kale mukalenga wa bena Ashure.

Yirmeya 50:28

Bantu bavua bapanduke mu mvita, bavua banyema mu ditunga dia Babilone, ke badi bafika mu Siyone, bela mbila ne: Maweja-Nangila Mvidi Mukulu wetu mmudisombuele. Mmunyoke bena Babilone bua nzubu wende wa tshijila uvuabu banyange.

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Yezekiyele 21:20

Muele udi utekesha mu maboku, uzakaja bantu bonsu. Kumpala kua tshiibi tshionsu, ndi muteke muele wa kushipa nawu bantu. Udi ukenka bu ndimi ya kapia, ukeba anu kushipa bantu.

Yezekiyele 25:14

Bantu banyi bena Izrayele nebasombuele bena Edome mu dina dianyi. Bena Izrayele nebabanyoke bikole, mushindu udi tshiji tshianyi tshilomba. Bena Edome nebalonge mudibu ne bua kuntshina. Meme Maweja-Nangila Mvidi Mukulu, ndi njadika bualu abu.”

Yezekiyele 32:10

Nebakeme bua mushindu undi nkunyoka. Bakalenga babu nebazakale ne bowa, pandi nsempela ne muele wanyi wa mvita pa mitu yabu. Dituku diudi ukula muoyi, nebazakale kabayi ne dikisha, batshina lufu.

Nahume 1:2

Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Sefanya 2:12

Maweja-Nangila udi wamba ne: “Nuenu kabidi bena Kushe, nennushipeshe mu nwita.”

Dibadika 10:35

Pavua bantu bajuka ne mushete wa ndondu, Moshe uvua wela diyi dikole, wamba ne: “Maweja-Nangila, juka, bua bena lukuna bebe bamuangalake, baluishi bebe banyeme!”

Marke 1:2

Mu mukanda wa muambi Yeshaya mbafunde mudi Mvidi Mukulu wamba ne: “Ndi ntuma mutumibue wanyi kumpala kuebe, bua kukunzuluila njila.

Rome 1:30

bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Dielulula 5:9

Kanukukuidi mpingu ya nanku, kanuyitendeledi. Meme nkayanyi ndi Maweja-Nangila Mvidi Mukulu wenu. Nanku muntu yonsu udi umbenga, ndi mmunyoka too ne ku ndelanganyi yende ya musangu muisatu nansha muinayi.

Dielulula 7:10

Kadi badi bamubenga, udi ubanyoka lukasa, ubabutula.

2 Timote 3:4

Nebelangane bifufu bibi. Nebikale bantu ba tshiiji, bena lutambishi luvule. Nebanange milowu, pa mutu pa kunanga Mvidi Mukulu.