Dielulula 32:23 - MUKANDA WA MYIDI MUKULU

²³ Ndi musue kubavudijila makenga. Ndi musue kubasa mikete yanyi yonsu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Nententekashe malu mabi ha mitu habo, nembase mikete yanyi;

Dielulula 32:23 ပူးပေါင်းရင်းမြစ်များ

2 Samuele 22:15

Kupenyaye nseke yonsu. Kuelaye miketa ku miaba yonsu.

2 Bakalenga 22:17

Bena mu Yerushalayime mbambenge, mbalambule milambu kudi mvidie mikuabu. Bionsu bidibu benza mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

Misambu 18:14

Maweja-Nangila kudidisha makubakuba mu diulu. Mvidi Mukulu Muena kulu kuela diyi.

Misambu 45:5

Nana buta, enda diakalenga, banda pa kabalu, uye ku mvita. Uluangane bua buakane, usungidile bapele. Bu muudi ne dikanda, neutshimune baluishi.

Misambu 7:14

Udi wangata biende bia lufu, wasa mikete yende idi misuika kapia.

Yeshaya 26:15

Maweja-Nangila, Wewe uvua mutantshishe tshisamba tshietu. Wewe kusemeja mikalu yonsu ya ditunga dietu kule. Ke muuvua mupete lumu lunene.

Muadi 3:13

Mikete yende yonsu kutubula mutshima wanyi.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yezekiyele 5:16

“Nennutumine tshiyole tshia nzala bua kunubutula. Nzala yenu neyinukengeshe, bu mudi mikete mitue ikengesha bantu, ibashipa. Nennyange mampa anudi balame, bua nufile ne nzala.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Lewitiki 26:18

“Padi bionsu ebi binuenzekela kanuyi nungitaba, nanku nemvudije makenga enu awu misangu muanda mutekete, bua malu mabi anudi benza.

Lewitiki 26:24

meme panyi nennubenge. Nemvudije tshiakabidi dinyoka dienu misangu muanda mutekete.

Dielulula 28:15

Kadi panuikala kanuyi nuitaba, kanuyi nutumikila meyi ne mikenji bia Maweja-Nangila Mvidi Mukulu wenu, bindi nnumanyisha lelu ebi, neanunyoke mushindu ewu:

Dielulula 29:21

Ndelanganyi yenu, ne bantu benyi badi munkatshi muenu bafume ku matunga a kule, pamonabu mushindu udi Maweja-Nangila munukengeshe ne bipupu, nebambe ne:

Dielulula 32:42

Mikete yanyi neitampakane mashi, muele wanyi neukose munyinyi. Baluishi banyi bonsu nebabutuke, nembakuate; nebatapike mputa.’ ”