Dielulula 32:14 - MUKANDA WA MYIDI MUKULU

¹⁴ Ngombe ne mikoku kubapesha mabele. Bana ba mikoku, bimpanga bia mafuta ne mbuji ya mpumbu, kubapetesha munyinyi. Kudiabu bukula buimpe butambe, banua ne maluvu a mvinyo, makunze bu mashi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakamudisha manteke a mabele a ngombe, ne mabele a mbushi, ne dianyi dia mikoko ne bimpanga bia mu Bashana ne mbushi, ne blê yakatamba buimpe, nuakanua nvinyo ya tumuma tukunze tuakadi bu mashi.

Dielulula 32:14 ပူးပေါင်းရင်းမြစ်များ

Genese 18:8

Pashishe, kuangataye manteka, mabela ne munyinyi uvua-bu balamba awu, kubapesha. Pavuabu badia, Abrahame uvua muimane kulu pabuipi nabu, muinshi mua mutshi.

Genese 49:11

Mionji ya maluvu a mvinyo neikale miaba yonsu, nansha muntu usuikaku nyama wa mpunde ki mbualu to. Neasukule bilamba biende ne maluvu, nansha tshinkutu tshiende mu mashi a tumuma tua mvinyo.

Nehemya 9:25

Bavua bakuate bimenga bivuabu bakoleshe ne bimana, bakuate madimi mimpe, nzubu miuwule tente ne biuma, bina bia mayi bimana kumbula, madimi a mionji ya mvinyo, ne mitshi ya olive, kabidi ne mitshi mikuabu ya bimuma mipite bungi. Nanku, bu muudi ne muoyi mulenga, bena Izrayele kudia kuukuta, kudiunda, kusanka bua bionsu biuvua mubapeshe.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Yobe 20:17

Mu ditunga mudi misulu ya buitshi, ya mafuta ne mabele. Kadi kayena imupuekela yeye kabidi to.

Yobe 29:6

Musangu awu, ngombe ne mbuji bivua bimpetesha mabela a bungi. Tshikaminu tshianyi tshivua tshipatula mafuta, bu musulu, kauyi ukama.

Misambu 147:14

Maweja-Nangila udi ubueja bupole mu buloba buebe, ukupesha ntete ya kuenza bukula mimpe ya bungi.

Misambu 22:12

Kushadi kule, bualu ndi mu dikenga! Kakuena udi mua kungambuluisha, amu wewe!

Misambu 81:16

Pashishe baluishi ba Maweja-Nangila, nebalekele ditambisha diabu, bena Izrayele nebasombe talalaa too ne tshiendelele.

Yeshaya 7:15

Muana neanue mabele, neadie buitshi, too ne diba diamanyaye mua kusunguluja bualu buimpe ne bubi.

Yeshaya 7:22

Kadi nyama ayi neimupetele mabele makumbane, bua bamone mua kunua mabele. Nanku bonsu badi bashala ne muoyi mu ditunga, nebanue mabele, badie ne buitshi.

Yezekiyele 39:18

Nenudie munyinyi wa bena mvita ba bukitu, nunue mashi a balombodi ba buloba, badibu bafile bu mulambu, pa mutu pa kufila bimpanga, bana ba mikoku, mpumbu, ne ngombe ya mafuta ya mu Bashane.

Osheya 11:4

Mvua mubaludike ne luse ne dinanga. Mvua mubambule, mudi tatu ukongoloja muanende mutekete ku ditama. Mvua muiname bua kudisha bena Izrayele.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Mika 7:14

Maweja-Nangila, lombola bantu bebe ne dikombu diebe dia bulami. Badi basomba pa nkayabu, mu buloba budibu kabayi mua kudima, munkatshi mua madimi mimpe adi ku mpenga. Bu muuvua muenze kale, utufikishe mu mpata mimpe ya Bashane, ne mu ditunga dia Ngilaade.

Dibadika 18:12

Ndi nnupesha kabidi biakudia bia tshianyi bia mu madimi, bidi bena Izrayele bandambula: mafuta, maluvu a mvinyo, ne ntete ya kuenza bukula.

Dielulula 28:47

Panuapeta bintu bia bungi, kadi kanuyi nuenzela Maweja-Nangila Mvidi Mukulu wenu, mudimu ne disanka, ne muoyi wenu mujima,

Didimanyisha 14:20

Bavua bazajila tumuma mu tshikaminu ku mpenga kua tshimenga. Mashi kupatuka mu tshikaminu, menza musulu. Kupuekawu mutantshi wa kilometre nkama isatu, mikale ne buondoke bua metre umue ne tshitupa.

Balombodi 5:25

Sisra kulomba Yayele mayi a kunua, Yayele kumupesha mabele, mabele mimpe a mafuta mu dikopu dia mushinga mukole.