Dielulula 3:20 - MUKANDA WA MYIDI MUKULU

²⁰ Nanku nuambuluishe bena Izrayele bakuabu, too ne pikala Maweja-Nangila mubafikishe mu ditunga didiye ubapesha didi dishiya, luseke ludi diba dibuelela lua musulu wa Yardene, bua kupetabu dikisha bu munudi bapete nuenu. Pashishe muntu yonsu wa kunudi neapingane kuende mu ditunga dindi mumupeshe.”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ tô ne haha Yehowa baha benu dikisha bu nuenu, ne bobo badi bahiana buloba budi Yehowa, Nzambi wenu, ubaha, dishiya dia Yadene; hashishe nenuhingane muntu ne muntu ku buhianyi buandi bunakamuha.

Dielulula 3:20 ပူးပေါင်းရင်းမြစ်များ

Dibadika 32:18

Amu patuafikisha bena Izrayele mu Kenaane, bobu bamane kupeta bonsu muaba wa kuasa, netupingane kuetu.

Dibadika 32:22

Pashishe ditunga adi dimane kuitaba Maweja-Nangila, nenupingane kuenu, kanuyi ne tshilumbu kudi Maweja-Nangila, nansha kudi bena Izrayele. Nenku Maweja-Nangila neanupe ditunga didi luseke ludi diba dipatukila lua Yardene edi kashidi.

Dielulula 12:9

Nuenu kanuena banji kufika mu ditunga didi Maweja-Nangila ne bua kunupa, bua nusombemu talala.

Dielulula 3:21

Meme kuambila Yoshuwa ne: “Wewe nkayebe uvua mudimuene muvua Maweja-Nangila Mvidi Mukulu wenu mutshimune bakalenga babidi ba bena Amore. Ke muatshimunaye kabidi bakalenga bonsu banudi nusangana dishiya dia musulu wa Yardene.

Yoshua 1:15

too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Yoshua 22:2

Kubambilaye ne: — Nudi bakumbaje bionsu bivua Moshe, muntu wa Maweja-Nangila, muambe. Nudi benze amu mumvua meme kabidi munuambile.

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Yoshua 22:8

Moshe ukavua mumane kubapesha buloba bua Bashane, budi luseke ludi diba dipatukila lua Yardene. Kadi tshitupa tshikuabu tshia tshisamba tshia bena Menashe, Yoshuwa kubabanyina maloba awa luseke ludi diba dibuelela lua Yardene, anu bu muvuaye muabanyine bisamba bikuabu.

Yoshua 22:9

Ke ndelanganyi ya Rubene, ya Ngade, ne ya mu tshitupa tshia tshisamba tshia bena Menashe tshivua luseke ludi diba dipatukila lua Yardene, kupingana kuabu. Kushiyabu bena Izrayele bakuabu mu Silo, mu ditunga dia Kenaane. Kupinganabu mu ditunga dia Ngilaade, divuabu bababanyine, bu muvua Maweja-Nangila mumane kuambila Moshe.