Dielulula 3:17 - MUKANDA WA MYIDI MUKULU

¹⁷ Mikalu idi luseke ludi diba dibuelela, idi ilonda tshibandabanda tshia Yardene, biangatshile ku dijiba dia Ngenesarete too ne ku Mayi manene a luepu, too ne ku mukuna wa Pisga, luseke ludi diba dipatukila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ ne buloba bua Alabâ kabidi ne tshibanda tshia Yadene ku Kinelete tô ne ku dishiha dia Alabâ, Dishiba dia Luehu, kuinshi kua mukuna wa Pisega ku esete.

Dielulula 3:17 ပူးပေါင်းရင်းမြစ်များ

Genese 13:10

Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

2 Bakalenga 14:25

Yerobowame kukuata kabidi maloba onsu avua a bena Izrayele, biangatshile ku tshimenga tshia Lebo-Amate ku mutu mu ditunga, too ne ku Mayi manene a luepu, kuinshi mu ditunga, anu bu muvua muambi Yonase, muana wa Amitayi, wa mu musoku wa Ngate-Efere, muambe mu dina dia Maweja-Nangila Mvidi Mukulu wa bena Izrayele.

Yezekiyele 47:8

Muntu kungambila ne: — Muenji wa mayi ewu udi uya ku luseke ludi diba dipatukila lua ditunga, upueka mu tshibandabanda tshia musulu wa Yardene, udiela mu Mayi manene a luepu. Padi mayi awu abuela mu Mayi manene aa, adi aalengeja, ashale mimpe.

Dibadika 23:14

Balake kuya ne Balaame ku lusongu lua mukuna wa Pisga muaba wa kutentekela. Kuenzaye kabidi bilambuilu muanda mutekete muaba awu. Kulambulaye ngombe mulume umue, ne mukoku wa tshimpanga umue, pa tshilambuilu tshionsu.

Luke 5:1

Dituku dikuabu, Yezu uvua ku muelelu wa dijiba dia Ngenesarete. Bantu bavua bamunguila bua kuteleja muaku wa Mvidi Mukulu.

Dielulula 4:49

ditunga dijima dia luseke ludi diba dipatukila lua musulu wa Yardene, too ne ku Mayi manene a luepu, kuinshi kua mukuna wa Pisga.

Yoshua 12:3

Sihone uvua kabidi ulombola bantu bavua mu tshibandabanda mu tshitupa tshia luseke ludi diba dipatukila lua musulu wa Yardene, biangatshile ku dijiba dia Ngenesarete, luseke lua ku mutu, too ne ku Mayi manene a luepu, pabuipi ne Bete-Yeshimote, ne ku mukuna wa Pisga, kuinshi menemene mu ditunga.

Yoshua 13:27

Mu tshibandabanda tshia musulu wa Yardene muvua kabidi Bete-Arame, Bete-Nimra, Sukote ne Safone, misoku ya mu bukalenga bua Sihone, uvua mukalenga mu Eshebone. Buloba ebu buvua luseke ludi diba dipatukila lua musulu wa Yardene. Musulu wa Yardene awu uvua wenza mukalu too ne ku dijiba dia Ngenesarete didi ku mutu wa ditunga.

Yoshua 15:2

Mukalu wabu wa kuinshi uvua utuadija kuinshi kua Mayi manene a luepu.

Yoshua 15:5

Ku luseke ludi diba dipatukila, mukalu uvua utuadija ku Mayi manene a luepu, utungunuka too ne ku muaba udi musulu wa Yardene udielela mu Mayi manene a luepu. Muaba awu ke uvua mukalu wa ku mutu utuadijila.

Yoshua 18:19

Udi utungunuka luseke lua ku mutu kua Bete-Ogla, ushikidila ku mutu menemene kua Mayi manene a luepu, muaba udi musulu wa Yardene udielamu. Ke mukalu wa kuinshi mu ditunga.

Yoshua 19:35

Bimenga bivua ne bimana bikolesha bivua: Sidime, Sere, Amate, Rakate, Kinerete,

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.