Dielulula 27:2 - MUKANDA WA MYIDI MUKULU

² Dituku dinuasabuka musulu wa Yardene, bua kubuela mu ditunga didi Maweja-Nangila Mvidi Mukulu wenu munupe, nuimanyike mabue manene, nualabe lupemba.

Mukanda wa Nzambi Dihungila Dikulukulu ne Dihungila Dihia-dihia 2003

² Halua dituku dinudi nusabuka musulu wa Yadene bua kubuela mu buloba budi Yehowa, Nzambi wenu, unuha, hashishe nenjadike mabue manene, nenuashinguile ne nshimete.

Dielulula 27:2 ပူးပေါင်းရင်းမြစ်များ

Yobe 19:24

Bayifunde ne lusongu lua ntapu, bayifikishe ne tshiamu tshifike, bua imueneke bimpe pa lubuebue.

Yezekiyele 11:19

Nennupeshe bonsu muoyi wa mushindu umue. Nembueje munda muenu lungenyi lupialupia. Nengumushe muoyi unudi nawu mupape bu dibue. Nennupingajile muoyi wa kalolu.

Yezekiyele 36:26

Nennupe muoyi mupiamupia. Nembueje mueyelu mupiamupia munda muenu. Nengumushe muoyi wenu mupape bu dibue, mpingaja muoyi wa muntu.

Dielulula 11:31

Nuenu bena Izrayele, nukadi pa kusabuka musulu wa Yardene, bua kubuela mu ditunga edi, didi Maweja-Nangila Mvidi Mukulu wenu unupa. Nenudikuate bua kusombamu.

Dielulula 26:1

Nenufike mu ditunga didi Maweja-Nangila Mvidi Mukulu wenu munupe bua nudikuate. Nuenu bamane kuasamu,

Dielulula 27:1

Moshe, pamue ne bakulu ba ditunga, kuya kudi bena Izrayele, kubambila ne: — Nukumbaje mikenji yonsu indi nnumanyisha lelu.

Dielulula 27:3

Nanku panuafika mu ditunga adi didi ne biakudia bia bungi, divua Maweja-Nangila Mvidi Mukulu wenu mulaye bankambua benu, nufunde mikenji yonsu indi unumanyishe eyi ku mabue awu, anu dituku adi.

Dielulula 27:4

Eyowa, nuenu bamane kusabuka musulu wa Yardene, nuimanyike mabue andi nnuambila aa pa mukuna wa Ebale. Nualabe lupemba.

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Yoshua 1:11

bua bendakane mu mitanda, bambile bantu bua bakumbaje mikenji itudi tutela eyi: “Nuenu bena Izrayele, nulongolole biakudia. Bualu papita matuku asatu, nenusabuke Yardene bua kuya kukuata ditunga didi Maweja-Nangila Mvidi Mukulu wenu munupeshe bua kusomba.”

Yoshua 4:1

Bena Izrayele bonsu bamane kusabuka Yardene, Maweja-Nangila kuambila Yoshuwa ne:

Yoshua 8:30

Yoshuwa kuashila Maweja-Nangila Mvidi Mukulu wa bena Izrayele tshilambuilu pa mukuna wa Ebale.

Yoshua 8:31

Uvua muase tshilambuilu atshi, anu mushindu uvua Moshe, muntu wa Maweja-Nangila, muambile bena Izrayele. Mushindu uvuabu base tshilambuilu bavua bamane kuufunda mu mukanda wa mikenji ya Moshe. Bavua bafunda ne: Tshilambuilu tshikale tshiasa ne mabue kaayi masonga ne tshiamu to. Nenku bavua balambuila Maweja-Nangila milambu ya kuosha ne ya bobumue pa tshilambuilu atshi.

Yoshua 8:32

Yoshuwa kutentula pa mabue awa muaba awu, mikenji ivua Moshe mufunde, bena Izrayele batangile.