Dielulula 26:3 - MUKANDA WA MYIDI MUKULU

³ Pashishe muntu awu aye kudi mutuangaji, udi wenza mudimu musangu awu, amuambile ne: “Lelu ndi mfila bintu ebi, bua kujadika ne: Maweja-Nangila Mvidi Mukulu webe, wamfikishi mu ditunga divuaye mulaye bankambua betu.”

Mukanda wa Nzambi Dihungila Dikulukulu ne Dihungila Dihia-dihia 2003

³ Nulue kudi muakuidi wa mu matuku au, numuambile ne, Ndi nkuambila lelu ku mesu kua Yehowa, Nzambi webe, ne, Nakubuela mu buloba buakaiaya Yehowa batatu betu, bua kutuhabu.

Dielulula 26:3 ပူးပေါင်းရင်းမြစ်များ

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 19:17

bantu aba babidi nebaye natshi kudi batuangaji, ne kudi balumbuluishi badi balumbuluisha bilumbu dituku adi mu nzubu wa Mvidi Mukulu.

Dielulula 26:2

muntu yonsu wa kunudi angate tshitupa tshia biakudia bia tshianyi, bidiye mudime mu ditunga adi. Abiele mu tshisaka, atshiteke muaba wikala Maweja-Nangila Mvidi Mukulu wenu musungule bua kumonangana nenu.

Dielulula 26:4

Mutuangaji neangate tshisaka tshia biakudia atshi, atshiteke kumpala kua tshilambuilu tshia Maweja-Nangila Mvidi Mukulu wenu.

Ebrewu 10:21

Tudi ne mutuangaji munene udibu bateka ku mutu kua nzubu wa Mvidi Mukulu.

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.