Dielulula 26:17 - MUKANDA WA MYIDI MUKULU

¹⁷ Lelu Maweja-Nangila Mvidi Mukulu wenu, udi unulaya ne: nuenu benze mudiye musue, bakumbaje meyi ende ne mikenji yende, Yeye neikale Mvidi Mukulu wenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nuenu nuakuitabusha Yehowa bu Nzambi wenu lelu, nuakuamba ne, Tuetu netuende mu nshila yandi, netutumikile mei andi ne mikenji yandi ne mikandu yandi, netunvue dî diandi;

Dielulula 26:17 ပူးပေါင်းရင်းမြစ်များ

Genese 28:21

mumpingaje bimpe kumbelu kuetu, nanku wewe Maweja-Nangila newikale Mvidi Mukulu wanyi.

2 Kulondolola 34:31

Uvua muimane pa muaba uvuabu bamulongoluele. Kutuaye tshiakabidi ndondu ne Maweja-Nangila. Muntu yonsu uvua ne bua kuitaba ne: ndi musue kuitaba Maweja-Nangila, kukumbaja ne muoyi wanyi mujima, ne bukole buanyi buonsu, meyi ende, mikenji yende ne mikandu yende. Ndi musue kukumbaja kabidi bionsu bidibu bafunde mu mukanda wa ndondu.

Misambu 48:14

Nukatshile mudi bimana biatshi! Numone muvuabu bakoleshe imue nzubu! Nanku, nenumone mua kumanyisha ndelanganyi yalonda ne:

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Ekesode 19:8

Bantu bonsu kuitaba ne: — Netuenze bionsu bidi Maweja-Nangila muambe. Moshe kufikisha bivua bantu bandamune kudi Maweja-Nangila.

Ekesode 20:19

Bavua bambila Moshe ne: — Wewe nkayebe utuambile malu onsu, netuteleje. Kadi Mvidi Mukulu kakudi netu nansha. Patupu netufue.

Ekesode 24:7

Pashishe, kubalaye ne diyi dikole mukanda wa meyi a ndondu uvua Maweja-Nangila mutue ne bantu. Bantu bonsu kuitaba ne: — Netuenze bionsu bidi Maweja-Nangila muambe.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Yeshaya 44:5

Diba adi, muntu neambe ne: ‘Ndi muntu wa Maweja-Nangila.’ Mukuabu neajinge, bua bamuinyike dina dia Yakobe. Munga neafunde pa tshianza tshiende ne: ‘Ntshia Maweja-Nangila.’ Neasanke bua kubuela mu tshisumbu tshia bena Izrayele.”

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Rome 6:13

Kanufidi kabidi bidimba bishilangane bia mubidi wenu ku malu mabi, bu biamu bia mudimu bia kuenza nabi bidi Mvidi Mukulu ubenga. Kadi nudifile kudi Mvidi Mukulu, bu bantu bavua babike ku lufu, bapete muoyi. Nudifile muenu muonsu bua kumuenzela mudimu. Bidimba bienu bikale biamu bia mudimu bia kuenza nabi bidi Mvidi Mukulu musue.

2 Korente 8:5

Bayua benze bipite ne patuvua batekemene. Bayua badianze kudifila kudi Mfumu. Pashishe bayua badifile kabidi kutudi, bua bamone mua kuitaba bidi Mvidi Mukulu musue.

Dielulula 13:18

Kanuena mua kuangata tshintu nansha tshimue tshia bidibu ne bua kuosha, bua Maweja-Nangila Mvidi Mukulu wenu amone mua kutuyisha tshiji tshiende. Diba adi, neanufuile luse. Nenuvulangane, bu muvuaye mulaye bankambua benu.

Dielulula 15:5

panuikala bitabe meyi ende, bakumbaje mikenji yende yonsu indi nnuambila lelu eyi.

Dielulula 27:10

Numutumikile, nukumbaje meyi ende ne mikenji yende, bindi nnumanyisha lelu ebi.

Dielulula 29:12

Nanku nuenu bena Izrayele, nenuikale tshisamba tshia Maweja-Nangila Mvidi Mukulu wenu. Yeye neikale Mvidi Mukulu wenu, bu muvuaye mumane kunulaya, muditshipe kabidi kudi bankambua benu, Abrahame, Izake ne Yakobe.

Dielulula 30:16

Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Yoshua 22:5

Kadi nukumbaje bimpe mikenji yonsu ivua Moshe, muntu wa Maweja-Nangila, munuambile ne: nunange Maweja-Nangila Mvidi Mukulu wenu, nuenze bionsu bidiye musue, nukumbaje mikenji yende. Nuitabe amu Maweja-Nangila, numuenzele mudimu ne muoyi mujima, ne bukole buenu buonsu.

Yoshua 24:22

Yoshuwa kubambila ne: — Nuenu nkayenu nudi badijadikile bualu ebu. Nuenu nkayenu nudi basungule bua kuenzela Maweja-Nangila mudimu. Bena Izrayele kuitaba ne: — Eyowa, tudi badijadikile bualu ebu nkayetu.