Dielulula 26:13 - MUKANDA WA MYIDI MUKULU

¹³ Pashishe nenuambile Maweja-Nangila Mvidi Mukulu wenu ne: “Maweja-Nangila wanyi, ndi mukumbaje mikenji yebe yonsu. Tshia dikumi tshia biakudia bionsu bimvua nabi, ndi mupeshe bena Levi, bana banshiya, bakaji bakamba, ne benyi badi munkatshi muetu. Ku nzubu kuanyi, tshiena mushale ne tshintu tshiebe nansha tshimue. Tshiena mupue muoyi biuvua mutuambile pa bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nenuambe ku mesu kua Yehowa, Nzambi wenu, ne, Tuakumusha bintu bia tshijila mu nsubu yetu, tuakabiha Bena Lewi ne benyi ne bana ba nshiya ne bakashi ba mu lufuila, bu mukenji uwakutuelela, katuakashiha mikenji yebe, katuakuhua mikenji muoyo.

Dielulula 26:13 ပူးပေါင်းရင်းမြစ်များ

Misambu 119:139

Tshiji tshidi tshinkuata pandi mmona baluishi banyi, bapue biudi muambe muoyi.

Misambu 119:141

Meme ndi muntu mukese udibu bapepeja, kadi tshiena mupue mikenji yebe muoyi.

Misambu 119:153

Mona dikenga dianyi, unsungidile, bualu tshiena mpua mikenji yebe muoyi.

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Misambu 119:93

Tshiakupua mikenji yebe muoyi kashidi, bualu yoyi ke iudi umfululula nayi.

Misambu 26:6

Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Dielulula 26:12

Padi bidimu bisatu bikumbana, nenuikale ne “tshidimu tshia bia dikumi.” Nufile tshia dikumi, mmumue ne: tshintu tshimue tshia ku bintu dikumi binudi banowe. Biakudia abi, nebabiangate kudi bena Levi, bana ba nshiya, bakaji bakamba, ne benyi badi munkatshi muenu. Nanku nebikale ne biakudia bia bungi, kabayi bakenga munkatshi muenu.

Dielulula 26:14

Pamvua mu madilu, tshiena mudie tshia dikumi atshi. Pamvua ne mikiya, tshiena mutshilenge, nansha mutshilambule bua muntu mufue. Maweja-Nangila Mvidi Mukulu wanyi, ndi muteleje mikenji yebe, muyikumbaje yonsu.

1 Tesalonike 2:10

Nuenu nudi mua kujadika bitudi tuamba. Mvidi Mukulu kabidi udi mua kubijadika: nsombelu wetu nenu, bena ditaba, uvua muakane, mululame, kayi kalema.