Dielulula 22:6 - MUKANDA WA MYIDI MUKULU

⁶ Nuenu bapite mu njila, basangane disua dia nyunyi kulu kua mutshi nansha panshi, pikala nyunyi awu muladile, nansha mumane kutoya, kanumukuatshi musangu umue ne bana bende to.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Binuasangana disua dia nyunyu mu nshila ku mutshi anyi ha buloba, ne bana ba nyunyu anyi makela bidimu, ne mukashi wa nyunyu udi ushikama ha bana anyi ha makela, kanuangatshi mukashi wa nyunyu ne bana bandi kabidi;

Dielulula 22:6 ပူးပေါင်းရင်းမြစ်များ

Genese 32:11

Maweja-Nangila, tshiena mukumbanyine dikasa dimpe diwudi muntutshishe meme, muena mudimu webe, kuyi upungila. Bualu mvua musabuke musulu wa Yardene ewu anu ne dikombu. Kadi mpindiewu nkadi ne bintu bisumbu bibidi ebi.

Genese 8:17

Upatuke kabidi ne nyama yonsu iuvua nayi, nyunyi, bimuna ne nyama minene ne mikese, bua ivulangane imuangalaka pa buloba bujima.”

Nsumuinu 12:10

Muntu muakane mmumanye nansha tshidi bimuna biende bikengela. Muntu mubi udi nabi ne tshikisu.

Osheya 10:14

Nanku, diyoyi dia mvita, nediumvuike munkatshi muenu. Bimenga bienu bionsu, bivuabu bakoleshe ne bimana, nebabiupule, anu muvua mukalenga Shalmane mupule Bete-Arbele, muzaze bamamu musangu umue ne bana bavuabu balele.

Lewitiki 22:28

Kadi kanuena mua kukosa ngombe, nansha mbuji, nansha mukoku, muminu dituku dimue ne muanende bua kundambula to.

Luke 12:6

“Kabena basumbisha nyunyi ya mishamisha itanu ku makuta makese anyi? Kadi Mvidi Mukulu kena upua nansha umue wa ku yoyi muoyi to.

Dielulula 22:5

Mukaji kena mua kuvuala bilamba bia mulume. Mulume kena mua kuvuala bilamba bia mukaji. Maweja-Nangila Mvidi Mukulu wenu kena musue bantu badi benza malu a mushindu ewu to.